«Удмурт дунне» газетэз луэ басьтыны электрон амалэн

Удмурт Дунне
By Удмурт Дунне Октябрь 31, 2017 14:51

Пермь улосысь 84 аресъем
Г. Князева газетэз электрон почта пыр басьтэ.

Быдэс арлы со сылоз 300 манет. Тазьы гожтӥськисьёсмы вань ини.

Редакцие ӵем гинэ вазиськыло Пермь котырысь, Татарстанысь, Башкириысь но мукет улосвылъёсысь удмурт адямиос, газетмес басьтыны курыса. Жаляса верано, та дырлы почта пыр газетмы Удмуртилэн палэназ уг вуы. Но вань туала амал: газетмес электрон почта пыр басьтыны. Дуныз уг куртчылӥськы — араз 300 манет.

Таӵе амалэн гожтӥсь-кисьёсмы пӧлысь огез — 84 аресъем Галина Князева. Озьы пӧрмиз: туэ со вордскем палъёсысьтыз — Эгра ёросысь — Пермь улосвылысь Орёл черкогуртэ улыны выжиз. Кошкон азяз редакцие синвуаськыса ик жингыръяз, куриз, Пермь улосвылын но газетэз басьтыны мед луысал шуыса.

— Удмуртъёслэсь татын лекос мӧзмисько. Шумпотӥсько, палэнэ кошкыса но, газеттылэсь ӧй люкиськы! — шуэ Галина Дмитриевна. — Котькуд четверге витисько «Удмурт дуннеез» (Интернетын сое одӥг нуналлы вазьгес лыдӟыны луэ — авт.), мыным сое нылы, бумагае поттыса, вае. Али лыдӟисько «Тӧл гурезез», яратӥсько бырись гуртъёс сярысь гожъямъёстэс, «Шӧкычез», «Берекетэз», йыртӥянъёсты.

Зэм, газетлэсь выль номеръёссэ электрон амалэн ми озьы ик udmdunne.ru вотэсбамамы печатласьком, отын со арня ӵоже возиське. Но мултэс кнопкаосты зӥбылэмды уг поты ке, быгатӥськоды электрон подписка лэсьтыны. Соку газетмы ӵапак тӥляд электрон почтаяды вуоз.

Электрон подписка пумысен гожтэ udmdunne@yandex.ru почта пыр яке жингыртэ 89511953765 телефонъя.

Мария ВЕКШИНА

Удмурт Дунне
By Удмурт Дунне Октябрь 31, 2017 14:51
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<