Тазалыкез эскеронъя питранъёс вылын центр Можга ёросын ужа

Удмурт Дунне
By Удмурт Дунне Октябрь 4, 2017 16:07

 Кылем арня пумын со вуылӥз Бадӟым Кибъя черкогуртэ, нош таяз арняе ужаз Тылой (Малая Воложикья) гуртын. Нунал куспын шорлыдын 50 адямилэсь тазалыксэ эскеризы.

Таӵе машинаен гуртоос доры пото терапевт, невролог, акушер-гинеколог, офтальмолог, ЛОР-врач, УЗИ лэсьтӥсь врачъёс.

Питранъёс вылын ужась комплекс шаерамы басьтэмын вал Удмуртилэн Тӧроез Александр Бречалов сюлмаськемъя но «Удмуртиысь аптекаос» огазеяськон юрттэмъя. Август толэзе вуэм техникаез возьматӥзы Россиысь тазалыкез утёнъя министрлы Вероника Скворцовалы но. Комплекс гуртъёсын улӥсьёслы ӝог но шонер диагностика пуктыны юрттэ.

Можга ёросысь больницаен кивалтӥсь Надежда Вдовина ивортэмъя, гуртъёсазы 33 ФАП-ёс но 3 участковой больницаос ужало. Куд-ог гуртъёсысь ёрос больницае шедён вылысь 40-45 иськем ортчоно луо. Соин ик гуртын улӥсьёс доры таӵе центр потаны медэ арнялы быдэ вторник но пятница нуналъёсы. Одӥг потэмен 40-60 адямиосты эскерыны луэ.

Питранъёсын «больницаын» диагностика лэсьтон тӥрлык вань: УЗИ аппарат, ИВЛ, маммограф, дефибриллятор, кардиограф но лаборатория.

Питранъёсын «больницаын» диагностика лэсьтон тӥрлык вань: УЗИ аппарат, ИВЛ, маммограф, дефибриллятор, кардиограф но лаборатория. Ӵапак таӵе ужан тӥрлыкен шараяны луэ лек пыктосъёсты, сакыр диабетэз, сюлэм висёнъёсты но мукетсэ.

Гуртоос доры пото терапевт, невролог, акушер-гинеколог, офтальмолог, ЛОР-врач, УЗИ лэсьтӥсь врачъёс. Центрлэн ужанэз быдэс толэзьлы азьлапал тодмо. Толэзь пумозь ёросысь эшшо 8 гуртэ вуылыны кулэ.

Сергей Захаров

Туспуктӥз А. Горбунов

Удмурт Дунне
By Удмурт Дунне Октябрь 4, 2017 16:07
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment

Your e-mail address will not be published.
Required fields are marked*