Ханты-Мансийскын ортчоз  фин-угор газет-журналъёслэн фестивальзы

Удмурт Дунне
By Удмурт Дунне Октябрь 2, 2017 11:48

Туэ «Ханты ясанг» газетлы 60 ар тырме, нош «Ленин пант хуват» газетлэн нырысетӥ редакторезлы  Григорий Лазаревлы — 100.

Удмурт журналистъёс мынӥзы Россиысь фин-угор газет-журналъёслэн фестивалязы. Со ортчоз 3-тӥ-5-тӥ коньывуонэ Ханты-Мансийскын.

Фин-угор газет-журналъёслы сӥзем нырысетӥез фестиваль ортчиз Йошкар-Олаын 2003-тӥ арын. Со дырысен пӧртэм улосвылъёсын радъяськылӥз ни, Югра палъёсы вуиз нырысьсэ.

Та нуналъёсы фестивале люкаськозы пӧртэм улосвылъёсысь фин-угор журналистъёс — Мордовиысь, Марий Элысь, Комиысь, Ненецкой автономной округысь…. Удмуртиысь журналистъёс  мынӥзы «Удмурт дунне» газетлэн валтӥсь редакторезлэн воштӥсез Елена Миннигараева, «Кенеш» журналлэн валтӥсь редакторез Ольга Бородина, «Вордскем кыл» журналын ужась Надежда Хайдарова, «Иднакар» газетлэн валтӥсь редакторез Нина Дзюина но мукетъёсыз.

Фестивальын пӧртэм ужпумъёс ӝутэмын луозы. Кылсярысь, котырес ӝӧк сьӧрын журналистъёс но кивалтӥсьёс вераськозы туала амалъёс сярысь, кызьы соосты кутоно фин-угор газет-журналъёсты азинтонын.

Туэ «Ханты ясанг» газетлы 60 ар тырме, нош «Ленин пант хуват» газетлэн нырысетӥ редакторезлы  Григорий Лазаревлы — 100. Та фестиваль улсын ик та котырес лыдпусъёсты но пусъёзы.

УД

 

 

Удмурт Дунне
By Удмурт Дунне Октябрь 2, 2017 11:48