Ижын ортче «WorldSkills» стандартъя чемпионатлэн быръён этапез

Удмурт Дунне
By Удмурт Дунне Октябрь 5, 2017 14:20

Толон Ижысь техникая кун университетын  усьтӥськиз «WorldSkills» стандартъя чемпионатлэн нырысетӥез быръён этапез. Отчы пырисько университетысь 36 студентъёс, соослэсь быгатонлыксэс эскеро 40 экспертъёс.

Вожвылъяськон ортче 5 удысъёсъя: токарной ужъёс, системной администрирование, сайт лэсьтон, ужбергатон, графической дизайн.

Вожвылъяськон ортче 5 удысъёсъя: токарной ужъёс, системной администрирование, сайт лэсьтон, ужбергатон, графической дизайн.  Егитъёслэсь ужзэс дунъяло Удмуртиысь но Санкт-Петурбургысь вылӥ тодон-валанэн специалистъёс. Студентъёс куинь нунал ӵоже возьмато «WorldSkills» стандартын пуктэм куронъёслы тупась луэмзэс. Тужгес устоосызлы гинэ шуд усёз «WorldSkills» стандартъя Россиын ортчоно этапаз мыныны.

Кызьы пусйизы ужрадэз ортчытӥсьёс, та выллем вожвылъяськон студентъёслы ӟеч специалист дорозь будыны, умой уж шедьтыны, асьме дорын гинэ ӧвӧл, Россиын но кунгож сьӧрын, юрттэ. Угось али экономикаын умой специалистъёс туж вылӥ дунъясько. Егитъёслы вормонъёс сӥзьыса, ужрадэз усьтӥзы Удмуртилэн Правительствоезлэн Тӧроезлэн нырысетӥ воштӥсез Александр Свинин, «Калашников» концернлэн генеральной директорезлэн воштӥсез Михаил Ненюков, Информатизацияя но связья агентстволэн кивалтӥсезлэсь ужзэ быдэсъясь Михаил Фоминов но мукетъёсыз.

Ангелина Снигирёва

Туспуктэм: istu.ru

 

 

 

Удмурт Дунне
By Удмурт Дунне Октябрь 5, 2017 14:20