«Элькуновидениын» ӵошатскозы 19 кырӟасьёс но коллективъёс

Удмурт Дунне
By Удмурт Дунне Октябрь 11, 2017 16:32

Кылем арняе «Мынам Удмуртие» ТРК-ын «Элькуновидение» вожвылъяськонлэн нырысетӥ этапез ортчиз — 21 кырӟасьёс но коллективъёс пӧлысь быръёнэз ортчизы 19-эз. Соос ик 21-тӥ коньывуонэ Ижысь «Аксион» культурая юртлэн сцена вылаз потозы.

Пичи Пурга ёросысь «Эрик» группа.

Быръён пыр ӧз ортче 2 кырӟасьёс. Балезино ёросысь Надежда Сидорова та нуналэ вожвылъяськонэ пыриськыны ӧз быгаты, Башкириысь Татышлы ёросысь Лилиана Нуриахметова кутэм бигер кылысь берыктэм кырӟанэз. Озьыен, конкурслэсь куронъёссэ тӥям. Нош быръён пыр потэм кырӟасьёсын, кылем аре сямен ик, «Удмурт дунне» газет нимысьтыз тодматоз на.

Туэ конкурсэ пыриськыны мылкыд каризы элькунысьтымы 10 ёросъёсысь, Ижысь, Воткаысь, Глазовысь, Татарстанысь кырӟасьёс. Уноез конкурсэ арысь аре пырисько я кырӟась, я крезьгурчи, я кырӟанлы кылбур гожтӥсь сямен.

Вераны кулэ, туэ вожвылъяськонэ куд-ог воштонъёс пыртэмын. Тужгес трос СМС-куара люкам кырӟась учкисьёслэсь кузьымзэ басьтоз. Нош вормисьёсты быръёз нимысьтыз жюри.

21-тӥ коньывуонэ «Аксион» культурая юртын жюриын луозы пукозы ёросъёсысь дунъясьёс. Кырӟасьёс пӧлысь соос быръёзы 10 устооссэ. Таос ик потозы финалэ. 4-тӥ шуркынмонэ, кунлыклэн нуналаз, «Мынам Удмуртие» телевидение конкурслэсь финалзэ возьматоз. Ӵапак татын вормисез быръёз нимысьтыз жюри — отчы пырозы композиторъёс, писательёс, нимо-дано артистъёс.

 

«Элькуновидение» вожвылъяськонэ пырисько:

  1. Пичи Пурга ёросысь «Эрик» группа  «Ижкар вера»  кырӟанэн, крезьгурез Дмитрий Григорьевлэн, кылъёсыз Анастасия Шумиловалэн;
  2. Ижкарысь Ленин ёросысь «Задор мылкыд» ансамбль «Яратонмы» кырӟанэн, крезьгурез но кылъёсыз Ада Диевалэн;
  3. Сарапул ёросысь Павел Смирнов «Чирдоз уӵы» кырӟанэн, крезьгурез но кылъёсыз Павел Смирновлэн;
  4. Вавож ёросысь «Валан» ансамбль «Улонысь улонэ» кырӟанэн, крезьгурез Елена Дементьевалэн, кылъёсыз Евгений Китовлэн, Мария Бегишевалэн;
  5. Эгра посёлокысь воргоронъёслэн«QUEENтет» квинтетсы «Улон уг ортчы токма» кырӟанэн, крезьгурез но кылъёсыз Денис Чирковлэн;
  6. Ижкарысь Устинов ёросысь Алексей Пикулев «Эктом эшшо, эшшо» кырӟанэн, крезьгурез но кылъёсыз Алексей Пикулевлэн;
  7. Кияса ёросысь Людмила Семёнова «Ваньмон дыр»  кырӟанэн, крезьгурез но кылъёсыз Евгения Анисимовалэн;
  8. Можга ёросысь Сергей Вотяков «Востэм арганчи» кырӟанэн, крезьгурез Иван Смолинлэн, кылъёсыз Александр Вотяковлэн;
  9. Татарстанысь Менделеевск ёросысь «ТАУ 17» трио «Легезьпу»  кырӟанэн, крезьгурез Виктор Никифоровлэн, кылъёсыз Александр Белоноговлэн;
  10. Яр ёросысь Татьяна Данилова «Шундыё шуд» кырӟанэн, крезьгурез Елена Васильевалэн, кылъёсыз Алексей Ельцовлэн;
  11. Глазкарысь Наталья Богданова  «Малы меда» кырӟанэн, крезьгурез Ольга Перминовалэн, кылъёсыз Людмила Куртеевалэн;
  12. Ижкарысь Октябрь ёросысь «Тюрагай» ансамбль  «Удмурт шаермы» кырӟанэн, крезьгурез но кылъёсыз Виктор Бочкарёвлэн;
  13. Ижкарысь Индустриальной ёросысь Владимир Вахрушев «Зарни италмас» кырӟанэн, крезьгурез Владислав Андреевлэн, кылъёсыз Владислав Андреевлэн, Владимир Вахрушевлэн;
  14. Шаркан ёросысь Александра Протопопова  «Тон суреда мыным сяська» кырӟанэн, крезьгурез но кылъёсыз Татьяна Хохряковалэн;
  15. Дэбес ёросысь Ольга Перевозчикова «Палэзьпу юмшан» кырӟанэн, крезьгурез но кылъёсыз Ольга Перевозчиковалэн;
  16. Алнаш ёросысь Анастасия Иванова «Мон гуртам куно гинэ на» кырӟанэн, крезьгурез Анастасия Ивановалэн, кылъёсыз Анна Бурдиналэн;
  17. Вотка карысь Любовь Иванова но Лариса Загуляева «Итаысь италмас» кырӟанэн, крезьгурез но кылъёсыз Любовь Ивановалэн;
  18. Татарстанысь Агрыз ёросысь Эдуард Мираев «Анай» кырӟанэн, крезьгурез но кылъёсыз Эдуард Мираевлэн;
  19. Кез ёросысь Сергей Ефремов «Сяськаныл» кырӟанэн, крезьгурез но кылъёсыз Сергей Ефремовлэн.

УД

Туспуктэм но видео: vk.com («Элькуновидение» огин)

Удмурт Дунне
By Удмурт Дунне Октябрь 11, 2017 16:32