Элькунамы вуылӥз Москваысь но быдэс Русьысь Патриарх Кирилл

Удмурт Дунне
By Удмурт Дунне Октябрь 16, 2017 10:25

13-тӥ — 15-тӥ октябре со пумиськылӥз элькунысьтымы кивалтӥсьёсын, Инмарлы оскисьёсын. Ортчытӥз службаос.

Дун-чылкыт Патриарх пусйиз, Удмуртие вуылон со понна аспӧртэмлыко луиз шуыса.

— Мон нырысьсэ ортчи быдэс митрополиетӥ — мукет интыосы вуылыкум, таӵеез ӧй вал на. Угось одӥг лыктэмен, ваньзэ адӟыса вуттыны уг луы. Но та рад, Ижысь оскисьёсын сяна, пумиськылӥ ёросъёсысь православнойёсын но. Малпасько, ӵапак районъёс туннэ уката азинскыны кулэ, гуртоослэн улон-вылонзы медаз висъяськы бадӟым городъёсын улӥсьёслэнлэсь.

Патриарх Кирилл службаос ортчытӥз Ижысь дун-чылкыт Михаллэн собораз, дун-чылкыт Александр Невскийлэн храмаз, озьы ик Глазовысь но Сарапулысь соборъёсын.

Патриарх Кирилл службаос ортчытӥз Ижысь дун-чылкыт Михаллэн собораз, дун-чылкыт Александр Невскийлэн храмаз, озьы ик Глазовысь но Сарапулысь соборъёсын. Уно оскисьёс вуылӥзы соин пумиськонъёсы.

Куинь нунал ӵоже Удмуртиын ужамезлы йылпумъянъёс лэсьтэмын вал Удмуртилэн Тӧроеныз Александр Бречаловен но Ижысь но Удмуртиысь митрополитэн Викторинэн пумиськон дыръя.

 

— Удмуртия али нюръяське Россиысь одӥгез кужмо, азинлыко улос луон понна, — вераз кунолы А. Бречалов. — Валаськом: экономикаез ӝутон сярысь сюлмаськонэн ӵош вунэтоно ӧвӧл лулпушез но. Соин ик дорамы вуэмды — туж бадӟым юрттэт, оскон, кужым сётэ мыным но, Удмуртилэн Тӧроезлы сямен, озьы ик элькунамы вань улӥсьёслы но. Тӥ вераськиськоды туж огшоры кылъёсын, но соос котькуд сюлэмозь вуо.

 

Патриарх Кирилл элькунмылы, кивалтонэ вуэм выль егит командалы азинсконъёс сӥзиз, оскемзэ вераз: Удмуртиез азинтон понна трос лэсьтозы.

Элина Кумачёва

Туспуктэмъёс: udmurt.ru

Удмурт Дунне
By Удмурт Дунне Октябрь 16, 2017 10:25