Башкортостанын шедьтэмын паласькись ящур чер

Удмурт Дунне
By Удмурт Дунне Октябрь 9, 2017 14:20

Башкортостанын шедьтэмын паласькись ящур чер

5-тӥ октябре артысь Башкортостанысь Туймази ёросысь 3 гуртын ялэмын карантин. Татын шараямын паласькись ящур чер.

Висён Удмурт шаере медаз вӧлмы шуыса, Кам шур вамен Боярка гурт дорысь паромен выжон интые пост юнматэмын. Сыӵе ик постъёс пуктэмын Кам но Буй вамен ӝутэм выжъёс вылын. Татын машинаосты нимысьтыз эскеро, животэз но пудо сиёнэз шаерамы медаз пыртэ шуыса. Погылянъёсты нимысьтыз суретъёсын пазяло. Ящур уго кышкыт висён: йӧл но умой пӧзьтымтэ сӥль пыр адямилы паласькыны быгатэ, пудо котырын бергась муртъёслы кутске. Соин ик ящурен черлам пудоез быдтыны чакламын.

Пудо эмъянъя валтӥсь управление шаерамы улӥсьёсты сак кариськыны куре. Ящурлэн тодметъёсыз: пудолэн дыльдыез вия, ымпушказ яраос потылэмын, мугорыз дырекъя. Маке умойтэмзэ шӧдӥды ке, соку ик вазиське пудо эмъясьёслы.

Елена Сараматова

Удмурт Дунне
By Удмурт Дунне Октябрь 9, 2017 14:20