Ася Корепанова шудӥз Ференц Листлэсь 24 этюдзэ

Удмурт Дунне
By Удмурт Дунне Октябрь 10, 2017 12:15
Картинки по запросу ася корепанова филармония ижевск

Ася Корепанова

Быдэс дуннелы тодмо пианистка Ася Корепанова Удмурт филармониын концерт возьматӥз, со шудӥз мадьяр крезьгурчилэсь Ференц Листлэсь 24 этюдзэ.

Быдэс концертэз Ференц Листлэсь крезьгурзэ шудыны кужмо сям но кема аръёс ӵоже кыдатэм техника кулэ. Уго венгер композиторлэн этюдъёсыз чилектэм кадь сэрытэсь но гудыртэм кадь кужмоесь. Тросэз тодмо пианистъёс уг дӥсьто Ференц Листлэсь произведениоссэ одӥг программае пыртыны. Нош кызьы дӥсьтӥз Ася?

— Дасяськытэк марафонэз бызид ке, кулод. Соин ик нырысь кутсконо 1 иськем бордысен. Озьы ик татын но, — вера Ася Корепанова. — Нырысь капчи партиосты шудӥськод, собере секытгес но секытгес программаез быдэстэм потэ.

Ася Корепанова дор палъёсаз — кема витем куно. Со ужа но улэ Америкаын, соин ик шер вуылэ. Озьы филармониын зал быдэсыз тырмиз, учкисьёс концерт бере но артисткаез кема ӧз лэзе на. Озьы Ференц Лист бере чузъяськиз на П. Чайковскийлэн «Спящая красавица» балетысьтыз крезьгур, сое Ася ас сяменыз быдэстӥз. Собере Ася васькиз залэ, вань мылкыд карисьёслы автографсэ кельтылӥз, юанъёслы валэктон сётъяз.

Мария Векшина

Удмурт Дунне
By Удмурт Дунне Октябрь 10, 2017 12:15