Удмуртиын гожтозы экономической диктант

Удмурт Дунне
By Удмурт Дунне Сентябрь 20, 2017 11:15

12-тӥ коньывуонэ Россиын ортчоз экономической диктант. Сое Удмуртиын но гожтыны луоз,  Ижысь гурт удысъя академия радъямъя.

Диктант 3 пӧртэм луоз. Соос лэсьтэмын калыклэсь арлыдзэ чакласа.

Макем ӟеч тодэ калык экономикаез, та удысэн герӟаськем кунлэсь ужзэ? Тодо-а адямиос, кызьы уждэ бергатоно, кызьы уксё поттоно? Диктант та юанъёслы валэктон сётоз.

Диктант Россиысь вань улосвылъёсын   ортчоз, отчы пыриськыны быгато кунгож сьӧрын улӥсьёс но, соос ӟуч кылэз тодо ке. Вераны кулэ, диктант 3 пӧртэм луоз. Соос лэсьтэмын, калыклэсь арлыдзэ чакласа, озьы ик лэсьтыны кулэ луоз пӧртэм пумо йыртӥянъёсты, юанъёслы валэктон сётъяны. Кин диктантэз парта сьӧры пуксьыса гожтыны уз быгаты, соос понна вотэсбам ужалоз.

Диктантэз радъя  «Россиысь эрико экономической огазеяськон» Правительство бордысь финансовый университетлэн юрттэмезъя.

Сергей Захаров

Удмурт Дунне
By Удмурт Дунне Сентябрь 20, 2017 11:15