Туннэ фин-угор калыкъёслэн ӧтчамзылэн 2-тӥ ужан нуналэз

Удмурт Дунне
By Удмурт Дунне Сентябрь 28, 2017 13:02

 Та вакытэ кенешонъёс мыно 6 секциосын: «Кыл. Дышетон. Тодос», «Лулчеберет. Этнотуризм», «Инкуазез утён. Калыклэн тазалыкез», «Ивор волмытон технологиос» но 2 котырес ӝӧкъёс, соос егитъёслы но ужбергатонлы сӥземын.

Алексей Загребин вераськиз идентичность сярысь.

Егитъёслэн котрес ӝӧк сьӧразы валтӥсь докладэз лыдӟиз Кун Думаысь депутат, история наукаосъя доктор Алексей Загребин. Со вакчияк мадиз, мае со герӟа егитлыкен.

— Нырысь ик дышетскон но, — шуиз А. Загребин. — Туала егитъёс визьмоесь, котьмаин тунсыкъяськисесь луыны кулэ. Со понна аслэсьтыд визьмогес адямиослэсь дышетсконо, тросгес лыдӟиськоно. Но со вакытэ ик уг луы уно пӧртэм удысъёсыз огкадь умой валаны. Жаляса верано, трос удысъёсын вырыса, ми ӵемысь профессиональной специализацимес ыштӥськом. Нош быгатонлыкъёсмес, тодон-валанмес ми мукетъёслы выжтыны кулэ: милемлы визь-нод кин ке сётӥз ук, ми но сётыны кулэ.

Озьы ик Алексей Загребин вераськиз идентичность сярысь. Мар ватонэз, али уноез егитъёс городъёсы кошкыло, гуртъёсын калык ичиёме. Соин ик ми сюлмаськыны кулэ кылмес, сямъёсмес каръёсын но ёрос центръёсын ыштонтэм вылысь. Со понна кулэ анай кылмес, калыкмес азинтыны луонлыкъёс кылдытыны.

Елена Рябина

Удмурт Дунне
By Удмурт Дунне Сентябрь 28, 2017 13:02
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment

Your e-mail address will not be published.
Required fields are marked*