Туэ Ижысь нылпи садъёсын ватсаса 500 интыос усьтӥськозы

Удмурт Дунне
By Удмурт Дунне Сентябрь 4, 2017 10:29

Туэ Ижысь нылпи садъёсын ватсаса 500 интыос усьтӥськозы

Но та югдурез уз тупаты — шоркарысь 3 аресозь ог 6 сюрс нылпи путёвка вите.

— Нылпи садъёсы черод азьланяз синоз, — оскытӥз Иж городлэн йырыз Юрий Тюрин. — Улонэ пыӵа «Жилище» кун программа. Соя П. Берш урамын 220 интылы нылпи сад пуктӥське, туэ со йылаз-пумаз вуттэмын луоз. Вуоно арын Баранов ульчаын лэсьтӥськон мытомы. Та сяна, застройщикъёсын трос этажъем выль коркаослэн 1-тӥ этажазы нылпи садъёс усьтон пумысен вераськонъёс нуисько.

Нялтас вераса, Ижын туннэ 187 нылпи сад ужа, дышетскон арлы соос ваньзы тупатъямын: 82-аз укноос вошъямын, 22-аз выль ӧсъёс пуктылэмын, 14-езлэн липетэз кышъямын. Озьы Удмуртилэн но Ижлэн бюджетъёсысьтызы талы 40 миллион манет пала кошкиз.

Ольга Корепанова

Удмурт Дунне
By Удмурт Дунне Сентябрь 4, 2017 10:29