Венгер кылын книгаен нимысьтыз тодматскон ортчоз Удмурт кун университетлэн библиотекаяз 20-тӥ куарусёнэ.

М. Петровлэн «Вуж Мултан» романэз эстон но венгер кылъёсын.

Выль книгаосын тодматскон ортчиз Эстониысь Тарту карын фин-угор писательёслэн 14-тӥ конгрессы дыръя. М. Петровлэсь романзэ эстон кылэ берыктӥзы тодмо эстон прозаик Арво Валтон но удмурт кылбурчи Муш Нади (Н. Пчеловодова).

Презентация дыръя Арво Валтон шуиз:

— Мон М. Петровлэсь произведенизэ ӟуч кылысь берыктыны кутски вал. Но эше — Муш Нади — удмурт текстэн ужаны дэмлаз. ӟуч кылын потэм роман удмуртэн гожтэмезлэсь висъяське.

Венгер кылэ берыктӥз литературовед Иван Хорват. Со пыкъяськиз М. Петровлэн ӟуч кылын потэм романэз вылэ, перевод борды басьтӥськиз Янош Пустаи кылчилэн кичӧлтэмезъя.

Вераны кулэ, эстон кылын Vana Multan Удмуртиысь Национальной библиотекае вуиз ини.

Лариса Дмитриева