Ижын крезьгурчиен Римма Шкляеваен пумиськон ортчоз

Удмурт Дунне
By Удмурт Дунне Сентябрь 22, 2017 14:30

Крезьгурчи Римма Шкляева

28-тӥ куарусёнэ Йӧскалык библиотекаын (Удмуртской урам, 264-тӥ юрт) ортчоз Якшур-Бӧдья ёросысь самодеятельной крезьгурчиен Римма Шкляеваен но солэн «Палэзё сӥзьыл» ансамбленыз пумиськон. Кутсконэз 18.00 часын.

Римма Ивановна 50 пала кырӟан гожтӥз ни, соос поттэмын 2 бичетэн — «Вунонтэм Мукши палъёс» но «Сюлэм гуръёс», озьы ик гожтэмын диске. Озьы ик кылбуръёсыз но кырӟанъёсыз печатласько ёрос но элькун журнал-газетъёсын. Вераны кулэ, Римма Шкляева мурт кылбурлы гинэ уг, аслаз но чуръёсызлы гур пӧрмытъя. Гожтэм кырӟанъёсыз пӧртэмесь — я со Быдӟым ожлы сӥземын, я вордскем шаерлы, я яратонлы.

Та пумиськонын кырӟанъёсты быдэстозы ачиз автор но «Палэзё сӥзьыл» ансамбль. 0+

Йӧскалык библиотека

Удмурт Дунне
By Удмурт Дунне Сентябрь 22, 2017 14:30