Балезино ёросын кисьтӥскемын мувӧй

Удмурт Дунне
By Удмурт Дунне Сентябрь 1, 2017 16:30

Балезино ёросысь Пулыб гурт дорын мувӧй киськемын. Тае адӟиллям «Балезинолес» огазеяськонысь ужасьёс толон, 31-тӥ гудырикошконэ. Али та пумысен эскерон ужъёс мыно.

Быдӟалаезъя — ог 10х20 метр, мурдалаезъя — 70 сантиметр.

Кисьтӥськем мувӧй шедьтэмын бырем Пулыб гурт дорысен ог 5 иськемысь, нюлэскысь. Та интыын сылэ корт тӥрлык, укша ужаны дугдэм мувӧй кыскон гумылы, солэн вань аслаз номерез но. Скважина дӥньын шедьтэмын мувӧй. Быдӟалаезъя — ог 10х20 метр, мурдалаезъя — 70 сантиметр. Мувӧй ог 400 квадрат метр музъеме пыӵамын ни, та интыын шедьтэмын кырӵожъёслэн шӧйёссы но.

Али эскерон ужъёс мыно. Макем бадӟым кышкылык вайиз но вае та кисьтӥськем мувӧй инкуазьлы? Шедьтэм скважиналэн кин кузёез? Кӧбертэмъёс вылэ угловной ужӝутэмыз луоз.

Сергей Захаров

Туспуктэм: balezino.udmurt.ru

Удмурт Дунне
By Удмурт Дунне Сентябрь 1, 2017 16:30