Кизнерысь фабрикаын потто 100 пӧртэм ческыт сиён

Удмурт Дунне
By Удмурт Дунне Август 16, 2017 15:29

Кизнерысь ческыт сиён поттӥсь фабрика ас азяз ужпум пуктӥз: ар куспын лэсьтоно 1 сюрс 100 тонна вуз. Туннэ, 16-тӥ гудырикошконэ, фабрикаен тодматскиз Удмуртилэн Тӧроезлэсь ужзэ быдэсъясь Александр Бречалов.

Фабрикаын ужась калыкен пумиськон.

Кизнерысь фабрикаын ӟеч ческыт сиён лэсьто, консервантъёсты уг куто. Тае дунъя калык но, пӧртэм адӟытонъёсын но вожвылъяськонъёсын фабрика бадӟым вормонъёс басьтылэ.

Али фабрикаын выль техника интыяське, табере татын поттыны кутскозы эшшо но тросгес няньлэсь лэсьтэм ческыт сиёнъёс. Озьы фабрикае 10-лэсь уно выль ужасьёсты кутыны луоз.

— Тӥляд вань луонлыкты паськытаны, — шуиз Александр Бречалов. — Но со вакытэ ик малпаське ужасьёсты сярысь но: соослы ужаны капчигес мед луоз, улон инты пумысен но юрттӥське.

Кизнерысь фабрикаын потто 100 пӧртэм ческыт сиён.

Тодады вайытом, Александр Владимирович туннэ быдэс нунал ужа Кизнер ёросын. Али со ёросысь активен пумиське. Талэсь азьвыл со пыраз Первомайской ульчаысь куашкан калэ вуэм корка, тупатъямез кулэ карись «Сказка» нылпи юртэ.

Сергей Захаров

Туспуктэм: udmurt.ru

Удмурт Дунне
By Удмурт Дунне Август 16, 2017 15:29
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment

Your e-mail address will not be published.
Required fields are marked*