Голюшурма выльысь улӟоз?

Удмурт Дунне
By Удмурт Дунне Август 9, 2017 11:36

Удмуртилэн Тӧроезлэсь ужзэ быдэсъясь Александр Бречалов вуылӥз Варзи-Ятчиысь санаторие. Та эмъяськон-шутэтскон инты быдэс Россиын тодмо-дано аслаз дэриеныз но вуосыныз. Со шутэтскисьёсын арбыт тырмемын. Алнашъёслэн вань на мукет малпанзы — Голюшурма гурт бервылэ пуктыны шутэтскон инты. 

— Милям эшшо таӵе узыр интыосмы вань на, — выль проект ӵекто алнашъёс. — Нижнекамск водохранилищелэн ярдураз, азьвыл Голюшурма гурт бервылын (кытын Иж но Кам шуръёс огазеясько), туж шулдыр инты, татын вань вашкала дауръёсысь каръёс но, эмъясь дэриос но. Шулдыр куазен татысь калык уг бырылы, соин пуктэммы потэ пичияк шутэтскон инты, кулэ 8 миллион манет.

— Малы сыӵе пичи? — пайме  кивалтӥсь. — Таӵе ӟеч интыын  «Варзи-Ятчи» выллем  эшшо одӥг профилакторий пуктоно!

— Сыӵеез но проектмы вань — 300 миллион манет тыр!

— Вот таиз бордын ик ужано, утчано инвесторъёсты. Тӥ доры шутэтскыны мед ветлозы быдэс Россиысь но, кунгож сьӧрысь но адямиос!

Голюшурмаын ортчем этнофутуристической симпозиумлэн емышъёсыз.

Алнаш ёрос — азинлыко инты, татын трос луонлыкъёс, ужез гажась адямиос, соослэн трос тунсыко кичӧлтонъёссы. Мон котьку шуисько: юрттоно ужан дартэн адямиослы, ёросэ ветлэмез бере шуиз Александр Бречалов.

Зинаида Рябинина

Туспуктӥз Марина Сергеева

Удмурт Дунне
By Удмурт Дунне Август 9, 2017 11:36