Егитъёслы кулэ «БиГерд»

Удмурт Дунне
By Удмурт Дунне Август 1, 2017 08:30

Проектлэн авторъёсыз оско, Татарстанысь удмурт егитъёс понна «БиГерд» форум арысь аре радъяськылоз но, Гербер сямен ик, арлы быдэ пӧртэм ёросъёсын ортчылоз шуыса.

Татарстанысь удмуртъёслэн автономиысьтызы азьветлӥсьёс пыриськизы Владимир улосын ортчем «Территория смыслов» форуме.

Соослэн сменаязы дышетӥзы некоммерческой огазеяськонъёслэсь егит кивалтӥсьёссэс. Та ужрадын быдэс кунысьтымы егитъёс асьсэ проектъёсынызы тодмато. Устооссэ улонэ пыӵатыны но коньдон утыны луэ.

Татарстанысь егитъёслы юрттэ Егитъёсын ужанъя но спортъя министерствозы. Шумпотымон, туэ соослэн делегациязы пыризы удмурт нылъёс: Марина Иванова но Кристина Демьянова. Пусйыны кулэ: национальной проектъёс пӧлысь соослэн «БиГердзы» гинэ потӥз очной люкетэ. Но вормисьёс пӧлы туэ, жаляса верано, ӧз шедьы.

Озьы ке но проектлэн авторъёсыз оско, Татарстанысь удмурт егитъёс понна «БиГерд» форум арысь аре радъяськылоз но, Гербер сямен ик, арлы быдэ пӧртэм ёросъёсын ортчылоз шуыса.

Туэ со радъяськиз нырысьсэ, отчы 40 егитъёс пыриськизы. Дышетскизы но, шутэтскизы но. Ваньзы ик пусйизы ужрадлэсь пайдаё но тунсыко луэмзэ.

Елена Рябина

Туспуктэм: vk.com (Павел Александров)

Удмурт Дунне
By Удмурт Дунне Август 1, 2017 08:30