02 ивортэ: вием коӵыш, лушкаськись куно но Ижысь жугиськись

Удмурт Дунне
By Удмурт Дунне Август 9, 2017 14:30

02 ивортэ: вием коӵыш, лушкаськись куно но Ижысь жугиськись

Кыл кутонлэсь ӧз пегӟы

 Уголовной розыскын ужасьёс Екатеринбургын кырмизы Ижысь 23 аресъем пиосмуртэз.

Туэ июнь толэзе со Ижын йыртэмам: остановкаын сылыкуз, пиосмуртлэсь тамак курем. Соиз, кыскон уг сёты шуыса, вожомем. Пиосмуртэ нырысь жугем, собере телефонзэ киултэм но Пермь улосэ пегӟем. Но эрикын кема ветлыны воргоронлы ӧз кылды. Табере со 10 арозь пытсэт сьӧры шедьыны быгатоз. Угось та выллем кырсь ужъёсыз лачак люкаськемын.

 

Коӵыш — янгыш?

Ижысь пиосмуртлы 5 сюрс манет тыриськон тупатэмын коӵышсэ виемез понна.

Та учыр, оло, ӧй луысал, кузпалъёс вискын керетон ӧй ӝутӥськысал ке. Элькун Прокуратура ивортэмъя, йыркуреныз воргорон коӵышсэс нырысь киыныз кекатэм. Буйгатскымтэ. Писэй улэп кылемын шуыса адӟемез бӧрсьы воксё визьтэммем — животэз укноетӥ 9-тӥ этажысен сэрпалтэм.

 

Лушкаськись куно

Ямало-Ненецкой округысь 28 аресъем пиосмурт Ижысь нылпи садъёсын лушкаськыны дышем.

Полицие нырысь ик вазиськизы Холмогоров ульчаысь нылпи садын ужасьёс. Огезлэн воспитательлэн 11 сюрс манетэз ышем. Со нуналэ таӵе ик учыр пусъемын Пушкин урамысь нылпи садын но. Ярам, али садъёсын камераос сыло. Соя тодыны луиз: воргорон лушкаськыны пыра вылэм, атай кариськыса. «Куно» 5 арозь пытсэт сьӧры шедьыны быгатоз.

 Лушкем уж шарае потӥз

Йылаз-пумаз вуттэмын Можга городысь 50 аресъем пиосмурт вылэ ӝутэм уголовной уж.

Пиосмурт туэ апрель толэзе кышкыт йыруж лэсьтэм. Быдэ вуымтэ нылашез нырысь зол кышкатэм, бӧрысь вирсэраз шузимытӥсь сурет лэзем но сантэмам. Воргорон вылэ 2 статьяя уж ӝутэмын: наркотикен кушласькытон но быдэ вуымтэ адямиез эриктэман. Та статьяосъя йыртэмась 15 арлы эриксэ ыштыны быгатоз.

Ольга Корепанова

Туспуктэм: 18.мвд.рф

Удмурт Дунне
By Удмурт Дунне Август 9, 2017 14:30