Башкириын Элен вӧсь ортчиз

Удмурт Дунне
By Удмурт Дунне Июль 1, 2017 08:44

Башкириын Элен вӧсь ортчиз

28-тӥ инвожое Башкириысь Бураево ёросысь Алтау гуртын Элен вӧсь ортчиз. Ужрад арня шорын вал ке но, вӧсяськонэ трос калык люкаськылӥз.

Азьвыл аръёсы Элен вӧсез ортчытъязы шутэтскон нуналъёсы. Куазь зорыса улэмен, туэ нуналзэ воштӥзы ке но, вќсяськонэ трос калык вуиз.

— Элен вӧсь — тужгес бадӟымез но чылкытэз праздник, отчы котькудӥз пыриськыны кулэ, — шуэ Камсьӧр удмуртъёслэн огазеяськонэнызы кивалтӥсь Флюра Чибышева. — Вӧсясь-кеммы, Инмарлы тау кареммы бере ӝук сииськомы. Таӵе ужрадъёс бере мылкыд ик капчи луэ.

Элен вӧсез 2008-тӥ арын улӟытӥзы Камсьӧр удмуртъёслэн огазеяськонзы ӵек-тэмъя. Трос аръёс ортчыса но, гуртоос ӧвӧл вунэтӥллям вашкала вӧсяськон сямъёссэс, соосты утё, нылпиоссылы пыӵатыны тыршо.

Валентина Емельянова

Туспуктэм vk.com

 

Удмурт Дунне
By Удмурт Дунне Июль 1, 2017 08:44