«Узы-боры» киноез возьматозы Ижысь азбарын

Удмурт Дунне
By Удмурт Дунне Июнь 9, 2017 11:30

«Узы-боры» киноез возьматозы Ижысь азбарын

10-тӥ инвожое «Узы-боры» киноез «Дружба» кинотеатрлэн верандаяз возьматозы (16+). Кутсконэз 21.00 часын. Пыронэз мыш паласеныз.

«Узы-боры» киноын шудӥсьёс.

«Узы-боры» кино возьматэмын луоз ӟуч субтитръёсын. Сое котькуд мылкыд карись дунтэк учкыны быгатоз. Тодады вайытом: та кино лэсьтэмын вал 2011-тӥ арын «Инвис» кинопоттонниысь егитъёсын. Выль удмурт киноос пӧлысь со нырысетӥез луиз.

Удмурт киноез возьмато Азбарлэн но Ёрослэн нуналъёссы акция улсын. Тодады вайытом, Россилэн но Ижкарлэн нуналъёсыз туэ 3 нунал ортчо. 10-тӥ инвожое шулдыръяськомы азбаръёсын, мукет нуналаз — ёросэн ӵош, нош 12-тӥ инвожое — Городлэн нуналаз.

Та нуналъёсы Ижын улон огыр-бугыр луоз. Ужрадъёс таин гинэ уз йылпумъяське. Арня ӵоже кыстӥськоз «Усьтэм город» фестиваль. Со улсын 13-тӥ инвожое Суредаськон искусствоосъя музейлэн азбараз ортчоз «Тысь!» фестиваль. Егитъёс возьматозы туала удмурт культураез. (0+)

УД

Удмурт Дунне
By Удмурт Дунне Июнь 9, 2017 11:30