Удмуртиысь бизнес тӥя борддорез

Удмурт Дунне
By Удмурт Дунне Июнь 7, 2017 13:30

Удмуртиысь бизнес тӥя борддорез

1-тӥ-3-тӥ инвожое Санкт-Петербургын ортчиз калыккуспо экномической форум. Удмуртиысь бизнесэз азинтон пумысен отын кӧня ке пӧртэм огкылъёс гожтэмын.

Одӥг интые люкаськизы Россиысь тужгес азинскем компаниос. Калуга улосвылысь «Этномир» гуртлэн азбараз пӧртэм калыкъёслэн коркаоссы сыло, соос возьмато: странамылэн узырлыкез — трос культураос. Форум дыръя «Этномир» борды итӥськизы Россиысь 18 улосъёс, соос пӧлын Удмуртия но. Табере матысь дыре Калуга улосвылысь «Этномир» гуртын кылдыны быгатоз Удмурт корка.

Пичи но шоро-куспо ужбергатӥсьёслэсь сюлмаськонъёссэс капчитэ ВТБ 24 банк, предпринимательёслы пичи — 10 но солэсь ичигес — процентэн кредит сётъя. Али шаерысьтымы Экономикая министерство проектъёс дася, соосъя та банк ужбергатӥсьёслы пичи процентэн кредит висъяллялоз.

— Шаермы кемалась ужа ни наноудысын, милям 20-лэсь уно предприятиосмы. Санкт-Петербургын ми «Роснано» корпорациен огкыл тупатыны малпаськом вал, ӧзгес пӧрмы, но сӥзьыл со одно ик гожтэмын луоз. Гужем ӵоже ми малпаськыны кулэ на наноудысмес азинтон, вузмес тодмо карон бордын, — шуиз экономикая министрлэсь ужзэ быдэсъясь Михаил Зайцев.

Со сяна, вераськемын Беларусьысь посолэн та странаен ӵошен ужан пумысен. Ужбегатӥсьёслэн куремзыя матысь дыре Удмуртиысь бизнесменъёс, кивалтӥсьёс поталозы Болгарие но Финляндие. Собере, оло, та кунъёсын но эшъяськыны кылдоз. Россиын сӥзьыл выльысен ужаны кутскозы пӧртэм адӟытонъёс, Удмуртиысь ужбергатӥсьёс отчы пыриськыны дасясько.

УД

Тусупктэм: Aeromar.ru

Удмурт Дунне
By Удмурт Дунне Июнь 7, 2017 13:30
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment

Your e-mail address will not be published.
Required fields are marked*