«Удмуртия» книгапоттоннилэн 4 книгаосыз Россиысь конкурсъёсын вормизы

Удмурт Дунне
By Удмурт Дунне Июнь 8, 2017 15:09

Москваын ужзэ йылпумъяз «Горд площадь» фестиваль. «Удмуртия» книгапоттонни та ужрадын 4 книга понна 4 кузьым басьтӥз.

Фестивальын 2 вожвылъяськонъёслы йылпумъянъёс лэсьтэмын вал. Россиысь Печатья агентстволэн «Малая Родина» конкурсаз 35 улосъёсысь 75 издательствоос пыриськизы. Огъя 400-лэсь тросгес ужъёс. 15-ез гинэ вормисьлэсь дипломъёссэ басьтыны быгатӥзы. Соос пӧлын «Удмуртия» издательстволэн 2 книгаез — «Сарапул: жемчужина камского берега» и «Я живу в Удмуртии». Устоосыз пӧлы ик пыриз «Пётр Чайковский: Родина гения» книга. Бичетъёсты дасяз издательствоысь валтӥсь редактор, Удмуртиысь дано журналист Георгий Грязев.

«Лучшие книги года — 2016» вожвылъяськонэ 147 издательствоысь 1 сюрс 500-лэсь ятыргес книгаос пыриськизы. Татын но шаермы данэ потӥз. «Лучшее издание, вносящее вклад в диалог культур» номинацын «Удмуртия» издательстволэн  «Удмуртские народные мифы и легенды» (люказ Надежда Кралина) книгаез диплом басьтӥз.

Наталия Самсонова

Туспуктэм: ok.ru

Удмурт Дунне
By Удмурт Дунне Июнь 8, 2017 15:09