Удмурт журналистъёс «Щит России» фестивальын вормисе потӥзы

Удмурт Дунне
By Удмурт Дунне Июнь 19, 2017 13:10

Владимир Михайловлэст «Даур нюжаос» («Нити времени») сузьетысьтыз жюри вылӥ дунъяз тодмо партизан, Совето Союзысь Герой А. Сабуров сярысь очерксэ.

12-тӥ июне Пермь городын данъязы телевидениын но радиоын ужась журналистъёслэн «Щит России» фестивалязы вормисе потэмъёсты. Соос пӧлы шедизы «Удмуртия» ГТРК (В. Михайлов) но «Моя Удмуртия» ТРК (С. Буланова, Ю. Егоров, А. Добряков).

Та вожвылъяськон сӥземын Атыкай музъемез утёнлы-гажанлы, Быдӟым оже пыриськем но ож мышкын ужам ветеранъёсты, военной историез эскерисьёсты данъянлы. Таӵе фестивалез ортчытон сярысь ӵектонэн потӥз Пермь улос, табере со журналистъёслэн сямазы пыӵаз ни — 20-тӥзэ ортчиз. Нырысь аръёсаз отчы 100 пала ужъёс гинэ вуылӥзы ке, туэ — 400-лэсь ятыр. Соос Россилэн пӧртэм сэрегъёсысьтыз ыстэмын. 6-тӥ арзэ пыриське но ялан вормонэн бертэ «Удмуртия» кун телерадиокомпаниын ужась Владимир Михайлов.

Таяз учыре но Владимир Михайлов кӧня ке ужъёссэ ыстэм. Кылсярысь, «Даур нюжаос» («Нити времени») сузьетысьтыз жюри вылӥ дунъяз тодмо партизан, Совето Союзысь Герой А. Сабуров сярысь очерксэ. Сое лэсьтыны юрттӥз геройлэн племянникез генерал-лейтенант Г. Сабуров. Озьы ик вормисьёс пӧлы шедемын «Соос дышетскизы асьме школаын» (лэсьтэмын Ижысь 30-тӥ лицейлэн музеяз) но студентъёслэн «Удмуртилэн тусъёсыз» конференциысьтызы дасям  репортажъёсыз.

Валентина Емельянова

Туспуктэм: udmtv.ru

 

 

 

 

 

 

Удмурт Дунне
By Удмурт Дунне Июнь 19, 2017 13:10