Чепецкой механической завод пыриське Санкт-Петербургын ортчись адӟытонэ

Удмурт Дунне
By Удмурт Дунне Июнь 29, 2017 15:19

Глазовысь завод титанлэсь 250-лэсь уно арбериос поттэ.

2-тӥ пӧсьтолэзёзь Санкт-Петербургын  ортче ву вылын уясь техникалы но та удысын выль ужан амалъёслы сӥзем адӟытон. Отчы пыриське Глазовысь Чепецкой механической завод но. Отын со возьматэ титанлэсь лэсьтэм арбериоссэ.  

Глазовысь завод титанлэсь 250-лэсь уно арбериос поттэ. Соос мыно ву вылын уясь судноосы. Кылсярысь, титанлэсь лэсьтэм гумыос интыямын ледоколлэн шорсюлмаз – атомной реакторе.  Чепецкой механической завод Россиын потӥсь ӝыныяз судноосы титан ез лэсьтэ.

Санкт-Петербургын ортчись адӟытонэ та завод вайиз атомной ледоколлэсь пичиятэм «мугорзэ» – со вылын возьматэмын, кыӵе детальёс поттэ завод. Син шоры йӧтэ цирконийлэсь кисьтэм гырлы. Сыӵе гырлы, кылсярысь, жингырт ни  ни Севастопольысь «Херсонес» фрегатын.  Со туристъёсты Крыме нуллэ.

УД

 

Удмурт Дунне
By Удмурт Дунне Июнь 29, 2017 15:19