18-тӥ июне тазалыкез утён удысын ужасьёс нуналзэс пусъё

Удмурт Дунне
By Удмурт Дунне Июнь 18, 2017 08:20

Соин валче Тазалыкез утёнъя министерствоын данъязы «Калык врач» нимен пусъем адямиосты.

Туэ конкурс ялэмын вал Ижысь терапевтъёс но нылпи врачъёс пӧлын. Терапевтъёс пӧлын «Калык врач» нимез утӥзы 3-тӥ больницаысь врач Альфия Музафарова но 9-тӥ больницаысь эмчи Татьяна Гараева, нылпи врачъёс пӧлысь устоен лыдъямын 1-тӥ нылпи больницаысь врач Ольга Трубицина.

Туннэ нуналлы тазалыкез утён удысын 21 сюрслэсь ятыр адями тырше. Нырысь ик эмчиос калыклы возьматыны кулэ, тазалык спортэн эшъяськон бордысен кутске шуыса. Озьы Ижысь «Купол» стадионэ кужымзэс мертаны люкаськылӥзы ёросъёсысь но городъёсысь эмчиослэн 89 командаоссы.  2 сюрслэсь трос эмчиос бызьылӥзы, дартсэн, шашкиен шудӥзы, ГТО-лэсь куронъёссэ быдэстӥзы. Таӵе ужрад врачъёс понна 17-тӥзэ ортчиз ни. Вожвылъяськонын кужмоез луиз Диагностикая элькун центрысь команда, со утӥз 300 сюрс манет. 2-тӥ но 3-тӥ интыосы потӥзы Нырысетӥ элькун больницаысь но Ижысь медициная кун академиысь командаос, соос 200 сюрс но 100 сюрс манетэн пусъемын.

Ангелина Снигирёва

Туспуктэм: udmgossovet.ru

 

Удмурт Дунне
By Удмурт Дунне Июнь 18, 2017 08:20
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment

Your e-mail address will not be published.
Required fields are marked*