«Удмуртия» книгапоттонни Москваысь фестивале пыриськоз

Удмурт Дунне
By Удмурт Дунне Май 26, 2017 11:57

2017-тӥ арын Россиысь книга поттӥсьёслэн ассоциацизы «Арлэн усто книгаосыз» вожвылъяськон ялӥз. Ужрад туэ 26-тӥзэ радъяськиз, ӵошатсконэ пыриськизы 2016-тӥ арын поттэм книгаос.

«Удмуртия» издательстволэн кивалтӥсез Юрий Кузнецов ивортэ:

—  Ми но та вожвылъяськонэ пыриськимы. 2016-тӥ арын поттэм «Удмурт калык мифъёс но легендаос» книгамы тужгес умойёсыз пӧлы шедиз. Шумпотӥськом со понна. Бичет туж усто, кагазэн лэсьтэмын, кие кутыны ик мыло-кыдо.

Текстэз Н. Кралиналэн 1976-тӥ арын поттэм «Удмурт калык выжыкылъёс» книгаезъя выльдыса лэсьтэмын кыл кутӥсь редакторез — Ю. Кузнецов, яркыт суредъёс лэсьтӥз В. Михайлов, нош дизайнзэ быдэстэм В. Семёнов.

«Арлэн усто книгаосыз» ӵошатсконын вормисьёсыз данъян Москваын 5-тӥ инвожое «Горд площадь» фестиваль улсын ортчоз. «Удмуртия» издательстволы ужрадэ пыриськыны ӧтён вуиз ни.

«Арлэн усто книгаосыз» ӵошатсконын вормисьёсыз данъян Москваын 5-тӥ инвожое «Горд площадь» фестиваль улсын ортчоз. «Удмуртия» издательстволы ужрадэ пыриськыны ӧтён вуиз ни. Юрий Кузнецов азьлантэ:

— Мылысь-кыдысь дасяськиськом кунмылэн шоркараз мыныны. Кылем арын та фестивале ми нырысетӥзэ пыриськимы. Туннэлы та огез тужгес устоез дунтэк радъяськись фестиваль луэ. Соин ик ми туэ но мылкыд карим ужрадэ пыриськыны. Эшшо ке нимаз ӧтен но вуиз. Яркыт удмурт дэремъёс дасяськомы ини.

Нялтас вераса, Москваын «Горд площадь» книга фестиваль туэ 3-зэ радъяське. Кыстӥськоз со 3-тӥсен 6-тӥ инвожоозь.

Наталия Самсонова

Туспуктӥз А. Горбунов

 

Удмурт Дунне
By Удмурт Дунне Май 26, 2017 11:57