Сётӥськом «Шудком» юанъёслы валэктонъёс

Удмурт Дунне
By Удмурт Дунне Май 10, 2017 07:02

Сётӥськом «Шудком» юанъёслы валэктонъёс

http://udmdunne.ru/2017/05/t%d3%a5yaleh-jjyrdehs-shudkom-shudonys-yuanjos-bordyn/

1-тӥ юан: пинь миськон щётка.

2-тӥ юан: тылпоттон (спичка).

Комментарий: Паймымон: со машина – тылпу кысӥсьёслэн, нош тылпоттонэн шудыны уг яра.

3-тӥ юан: электрической розетка.

4-тӥ юан: сюсьтыл.

5-тӥ юан: Виши Ананд. Шахматистлэн тартанэз но, Шотландиысь МакФарлан выжылэн калык дӥськутэз кадь, сьӧд-тӧдьы клеткаё.

6-тӥ юан: чонари.

7-тӥ юан: ву басьтон колонка. Ӵемысь, колонкаысь кутонэз киын кутыса возёно медам луы шуыса, колонка кутонэ кирпичен тырмытэм пуйы ошыло. Сарапулын 1870-тӥ арын лэсьтэм гумыос вуэз «Фонтаны» нимаськись интые ваё вал, нош чугун водопровод 1910-тӥ арын гинэ усьтӥськиз ай. Ижкарын вугумыос бергес кылдӥзы.

8-тӥ юан: пузъёс. Страус пуз интые геройёс крокодил пуз басьтӥллям.

9-тӥ юан: шунды часъёс. Экваторын соос шонер ужало, нош полюсъёслы матэгес вуыса — уродгес.

10-тӥ юан: Леонардо да Винчилэн «Тайная вечеря» суредэз. Апостолъёслэн лыдзыя ӝӧк вылэ 12 посуд тырылыны кутскизы.

11-тӥ юан: Пятница. Огез ним сётӥське вордскем нуналъя.

12-тӥ юан: банан. Вылтырзы — ӵуж, пушсы — тӧдьы.

13-тӥ юан: бичпотон. Бич потон — нымы-кибылэсь утиськон луэ. Адямилы аслэсьтыз ачиз бичзэ поттыны, зэмзэ но, секытгес луэ.

14-тӥ юан: х. «х» буква кирослы кельше, нош картаос вылын ватэм мае ке ӵемысь киросэн пусъё.

15-тӥ юан: трамвай.

16-тӥ юан: штанысь стрелкаос. Штанъёсты уг утюгало вал, соин ик модае пыризы стрелкаосын штанъёс, кудъёссэ «брюки» шуыса нимазы.

17-тӥ юан: кузё, адями.

18-тӥ юан: Александр Сергеевич. Та кунпус Абрам Ганнибаллэн вал.

19-тӥ юан: дезертирствоен. Службалэсь матросъёс куд-ог дыръя олокызьы но пегӟыны туртто вал.

20-тӥ юан: Паймымон, Ванга аслэсьтыз таӵе азьлань улонзэ адӟыны ӧз быгаты шуыса.

21-тӥ юан: Берингов зарезь. 1953-тӥ арын Л. Берияез арестовать каризы, янгыше уськытӥзы но пытсэт сьӧры пуктӥзы. Со вакытлы та ужпум сярысь статья энциклопедиын потэмын вал ини. Собере, энциклопедилы гожтӥськем муртъёслы пыр-почгес но бадӟымгес ватсам бамъёс лэзьяллязы, кудъёсызлэн «Берингово море» но «Беркли, Джордж» нимъёссы вал. Соослэн юрттэменызы Берия сярысь статьяосты воштыны малпамын вал.

22-тӥ юан: страус пуз.

23-тӥ юан: Алангасаръёс. Одӥг этимологияя та кыл «алан» но «хазар» кылъёслэсь пӧрме. Нош В. Напольскихлэн малпамезъя, та кыл 14-тӥ даурлэсь азьлогес кыпчакъёслэсь вуиз ини. Со вакытэ хазаръёс ӧй вал ини.

24-тӥ юан: сюан но кулэм муртэ ватон. Залын нунал но ар цикл гинэ уг, адямилэн улонэз но возьматӥське.

25-тӥ юан: Можга. Пулэсь лэсьтэм «Можга» линейкаос быдэс дуннелы тодмо.

26-тӥ юан: торф. Ву торфез гылтэ но соин сураське, соин ик ву пеймытгес, пожгес луэ. Мувӧй музъемын мургес пуке, Удмуртиын сое утчан но Быдӟым ож бере гинэ кутскиз ай.

27-тӥ юан: пилеш. Людовик XIV вакытысен париклы мода потӥз.

Удмурт Дунне
By Удмурт Дунне Май 10, 2017 07:02