Пичи Пурга ёросын ветлэ тылобурдо пуэд

Удмурт Дунне
By Удмурт Дунне Май 29, 2017 15:03

Пичи Пурга ёросын ветлэ тылобурдо пуэд

Соин сэрен Пичи Пургалан тылобурдо сӥль вузаны алэмын, висён вӧлмем интыос пытсамын, Татарстанысь Агрызын ворсамын пудо базар.

24-тӥ куартолэзе Пичи Пурга ёросысь пудо-животлэн висёнъёсыныз нюръяськись станцие ёрос центрысь жингыртӥллям но шуиллям: юртъерамы быдэс арнязэ тылобурдоосмы кулыло. Станциысь ужасьёс соку ик юртъерзэс эскерыны поттӥлям. Мукет нуналаз тодмо вал ни: татысь тылобурдоос пуэдэн висё. Шутэтскон нуналъёсы Пичи Пурга вадьсын ӵын вӧлскиз: кӧня ке юртъеръёсысь пуэдэн висись тылобурдоосты сутӥзы. Али куд-ог ульчаос ворсамын, отчы дезбарьеръёс и дезковрикъёс тыремын. Пичи Пургалы матын гуртъёсын тылобурдо сӥль вузаны алэмын, Агрызын пудо-животэн вуз карон базар ворсамын.

Пичи Пурга администрациын калыкез буйгато: кышкатсконо ӧвӧл, тылобурдоосты лапасъёсы, гидъёсы пытсано. Нош азбарады чер вуиз ик ке — тае тӥ валалоды тылобурдоостылэн ӟускиоссы лызэктэмъя, курегъёсты пузамысь дугдозы, кулон калэ вуозы — соку ик вазиськоно 8(341-38) 4-22-15, 4-24-79 телефон номеръёсъя. Али Пичи Пургалан кылдытэмын 10 бригада, соос югдурез быдэс ёросын чакласа возё.

Ӟольгыри гинэ но пыэдэн висе

УД

Туспуктэм: «Удмурт дунне» газетлэн архивысьтыз

Удмурт Дунне
By Удмурт Дунне Май 29, 2017 15:03