«Лудорвайын» возьматозы 31 фин-угор мультфильм

Удмурт Дунне
By Удмурт Дунне Май 18, 2017 17:00

«Лудорвайын» возьматозы 31 фин-угор мультфильм

Ӵуказе «Лудорвай» музейын усьтӥське мультипликацилы сӥзем фин-угор фестиваль. Шаерамы вуозы Эстониысь, Комиысь, Марий Элысь, Карелиысь, Ханты- Мансийскысь но Новосибирскысь мультфильм лэсьтӥсьёс.

Соослэн ужъёссы 5 ӧръя дунъямын луозы: нылпиослы устоез мультфильм, авторской фильм, фин-угор кылын лэсьтэм анимация но мукет. Озьы ик татын тодматскыны луоз «Урал куаралэн шуккиськемез» проектэн, соя кылдытэмын фин-угор воргоронъёс но кышномуртъёс сярысь 7 анимация.

Со сяна, мастер-классъёс сётозы Эстониысь мультипликацияя студиысь режиссёр Прийта Тендер. Мультфильм пыр калык культураез вӧлмытон сярысь малпанзэ вералоз Комиысь Йӧскалык музейлэн директорезлэн воштӥсез Светлана Бандура.

Фестивалез радъяло «Лудорвай» музей, Россиысь фин-угор центр, Эстониысь но Комиысь Йӧскалык музейёс.

Фестивальлэн радлыкез:

19-тӥ куартолэзе

11 часын — фестивалез усьтон.

11.30 часын — «Анимация пыр калык культураез вӧлмытон» лекция лыдӟоз Комиысь Йӧскалык музейлэн директорезлэн воштӥсез   Светланы Бандура.

12 часын — Эстониысь мультипликацияя студиысь режиссёрлэн Прийта Тендорлэн мастер-классэз.

14 часын — «Мультипликацилы сӥзем мерлыко бамъёс» видеопрезентация. Нуэ Эстониысь Валентина Семёнова.

14.30 часын — Эстониысь Сергей Сидоровлэн удмурт выжыкылъя лэсьтэм компьютерной шудонэныз тодматскон.

11.00 — 18.00 часъёсы — фестивале вуэм ужъёсты возьматон.

17.00 — 18.00 часъёсы — «Та азбарлэн шудбурез» спектакль. Татчы пыриськыны быгато вань мылкыд карисьёс.

20-тӥ куартолэзе

11 часын — фестивалез ворсан.

11 часысен 22 часозь — фестивале вуэм ужъёсты возьматон.

Удмурт Дунне
By Удмурт Дунне Май 18, 2017 17:00