Лудорвайын возьматозы фин-угор мультфильмъёсты

Удмурт Дунне
By Удмурт Дунне Май 17, 2017 16:03

Лудорвайын возьматозы фин-угор мультфильмъёсты

19-тӥ-20-тӥ куартолэзе «Лудорвай» музей-заповедник радъя фин-угор фестиваль.

Отчы лыктозы Россиысь, Эстониысь, Финляндиысь, Венгриысь мультфильм кылдытъясьёс. Фестивальлэн конкурсаз пыриськон понна 2010-тӥ-2017-тӥ аръёсы кылдытэм 1-3 уж ыстоно вал. Темаез котькыӵе мед луоз, кылыз — ӟуч яке фин-угор. Номинациос: нылпиослы мультфильм, крезьгуро клип но социальной реклама, одӥг авторен лэсьтэм фильм, студиын кылдытэм уж, фин-угор кылъёсын фильм.

Конкурс  сяна, фестивальын ортчозы Эстониысь но Удмуртиысь мультфильм лэсьтӥсьёслэн мастер-классъёссы.

Фестивальлэн радлыкез:

19-тӥ куартолэзе

11 часын — Фестивалез усьтон.

11.30 часын — «Анимация пыр калык культураез вӧлмытон» лекция лыдӟоз Комиысь йӧскалык музейлэн директорезлэн воштӥсез   Светланы Бандура.

12 часын — Эстониысь мультипликацияя студиысь режиссерлэн Прийта Тендорлэн мастер-классэз.

14 часын –  «Мультипликацилы сӥзем мерлыко бамъёс» видеопрезентация. Нуэ Эстониысь Валентина Семенова.

14.30 часын — Эстониысь  Сергей Сидоровлэн удмурт выжыкылъя лэсьтэм компьютерной шудонэн тодматскон.

11.00 — 18.00 часъёсын — Фестивале вуэм ужъёсты возьматон.

17.00 — 18.00 часъёсын — «Та азбарлэн шудбурез» спектакль. Татчы пыриськыны быгато вань мылкыд карисьёс.

20-тӥ куартолэзе

11 часын — Фестивалез ворсан.

11 часысен 22 часозь — Фестивале вуэм ужъёсты возьматон.

Удмурт Дунне
By Удмурт Дунне Май 17, 2017 16:03