Сергей Неверов пумиськылӥз праймеризэ пыриськисьёсын

Удмурт Дунне
By Удмурт Дунне Май 19, 2017 14:56

«Огъя Россия» партилэн Валтӥсь Кенешезлэн секретарез, Кун Думалэн Тӧроезлэн воштӥсез Сергей Неверов Удмуртие вуиз. Туннэ со пумиськылӥз «Огъя Россия» партилэн праймеризаз пыриськисьёсын, элькун кивалтэтэн. Вераськон мынӥз вуоно быръёнъёс сярысь.

«Огъя Россия» партилэн Валтӥсь Кенешезлэн секретарез, Кун Думалэн Тӧроезлэн воштӥсез Сергей Неверов Удмуртие вуиз.

Туэ 10-тӥ куарусёнэ Удмуртиысь Кун Кенеше депутатъёс быръемын луозы. Но «Огъя Россиялэн» списоказ сюрон понна котькуд кандидат праймериз но 2 дебатъёс пыр ортчыны кулэ. Али праймеризэ пыриськыны мылкыд кариз ни 294 адями.

— Кык полэс быръён пыр потыса, пумозяз вуозы кужмоосыз пӧлысь кужмоосыз гинэ, Кандидатъёслы чырмытгес ужано, калыкен пумиськылоно луоз. Ужа вотэсбам — pg.er.ru – отысь котькуд адями быгатоз кандидатъёс сярысь пыр-почгес тодыны. Но, жаляса верано, трозэс кандидатъёс асьсэос но отчы уг пырало, асьсэ сярысь тросгес уг но иворто. Нош адямиослэн тодэмзы потэ. Праймеризозь кылиз на одӥг арня, соин ик вырӟелэ, — кандидатъёслы вазиськиз Сергей Неверов.

Кун Кенеше депутатъёсты сяна, 10-тӥ куарусёнэ быръёмы Удмуртилэсь Тӧрозэ. Быръёнэ пыриськыны мылкыд кариз ни Александр Бречалов но.

Мария Векшина

Туспуктэм: udmurt.ru

Удмурт Дунне
By Удмурт Дунне Май 19, 2017 14:56