Ку школаосы вуозы «Удмурт кыл» но «Лыдӟон книга» электрон учебникъёс?

Удмурт Дунне
By Удмурт Дунне Май 15, 2017 10:52

Покчи классъёслы  «Удмурт кыл» но «Лыдӟон книга» электрон учебникъёсын тодматскон ортчиз Дэри ёросысь Изгурт школаын. Эскерон пыр ортчыса, Россиын соос тужгес устоосыз пӧлы пыртэмын.

Электрон учебникъёс бордын тыршизы Дышетон удысысь йӧскалык ужпумъёсты тодон-эскеронъя институтысь ужасьёс Юлия Байтерякова, Людмила Бусыгина, программистъёс Виталий Пронин, Григорий Григорьев но мукетъёсыз.

2015-тӥ арын шаерысьтымы Прокуратура школаостӥ эскеронэн ортчиз. Шараяз: удмурт кылъя учебникъёс ӧвӧл пыртэмын федеральной перечне, соосъя дышетскыны уг яра. Нош отчы сюрон понна  учебникъёс борды одно ик кулэ электрон вариант.

—  Учебникъёс туж ӝог лэсьтэмын, кылем арлэн пумаз соос вань эскеронъёсты потэмын вал ни, — вера Дышетон удысысь йӧскалык ужпумъёсты тодон-эскеронъя институтлэн директорезлэн воштӥсез Вера Пантелеева. — Кылдэ юан: ку соос вуозы школаосы? Ваньмыз умой луиз ке, оскиськом, выль дышетскон арын дышетӥсьёс та электрон учебникъёсты уже кутозы ни.

Электрон учебникъёс бордын тыршизы Дышетон удысысь йӧскалык ужпумъёсты тодон-эскеронъя институтысь ужасьёс  Юлия Байтерякова, Людмила Бусыгина, программистъёс Виталий Пронин, Григорий Григорьев но мукетъёсыз.

Али инстиутысь ужасьёс 5-тӥ-9-тӥ классъёслы удмурт кылъя но литературая, «Ӟеч-а, бур-а, удмурт кыл!» программая электрон учебникъёсты дасяло.

Мария Векшина

Туспуктэм: vk.com/udmniino

 

Удмурт Дунне
By Удмурт Дунне Май 15, 2017 10:52