Ижын ортчоз «Лэсьтэмын Удмуртиын» форум

Удмурт Дунне
By Удмурт Дунне Май 24, 2017 15:38

Инвестициосъя агентстволэн кивалтӥсез Римма Бякова верамъя, Россиысь ужбергатӥсьёслэн удыс нуналзы элькунамы туэ нырысьсэ сокем паськыт пусйиське.

25-тӥ-26-тӥ мае форуме люкаськозы элькунысьтымы но Россиысь пӧртэм улосъёсысь 1 сюрслэсь ятыр ужбергатӥсьёс..

Инвестициосъя агентстволэн кивалтӥсез Римма Бякова верамъя, Россиысь ужбергатӥсьёслэн удыс нуналзы элькунамы туэ нырысьсэ сокем паськыт пусйиське. Солэн емышъёсыз матысь дыре ик одно шӧдӥськозы. Ужбергатӥсьёсын ӵош пӧртэм площадкаосын кенешозы, ужбергатонэз азинтонъя ужпумъёсты сэрттозы-пертчозы Россиысь тодмо спикеръёс но модераторъёс, кылсярысь, Россиысь Президентлэн советникез Герман Клименко, Россиысь экспортъя центрлэн кивалтӥсез Пётр Фрадков, Россиысь тодмо ужбергатӥсь, Splat компаниез кылдытӥсь Евгений Дёмин, Москваысь управлениея «Сколково» школалэн кивалтӥсез Андрей Шаронов, куд-ог банкъёслэн кивалтӥсьёссы но мукет.
Радъямын луозы котрес ӝӧк сьӧрын пумиськонъёс, сессиос, презентациос, мастер-классъёс. Ас ужан амалъёсынызы люкаськемъёсты тодматозы шаерысьтымы тодмо ужбергатӥсьёс. Элькунамы ужаны дась луись инвесторъёслы возьматэмын луозы, кыӵе проектъёс борды соос басьтӥськыны быгатозы.

— 2016-тӥ арын Удмуртия национальной рейтингын 30 устоосыз улосъёс пӧлы шедиз: 43-тӥ интыысь 29-тӥе тубиз, — пусйиз Римма Бякова. — Озьыен, ужбергатӥсьёс шӧдо, элькунамы ужаны луонлыкъёс арысь аре умойгес луо шуыса. Кылем арын экономикаямы 85 миллиард манетлэсь ятыргес инвестициос кыскемын, валля арынлэсь со 1,3 процентлы тросгес. Бен, вань на тырмымтэос: кылсярысь, лэсьтӥськонлы разрешение басьтон понна трос дыр кошке, газ, тыл пыртонъя шугъяськонъёс кылдыло но мукет.

Кызьы тырмымтэосты палэнтоно, мар лэсьтоно, инвесторъёс шаерамы уката мыло-кыдо мед лыктозы шуыса — та юанъёслы валэктонъёс утчалозы форум дыръя. Та сярысь пыр-поч лыдӟыны луоз вуоно номеръёсысьтымы.

Элина Кумачёва

Удмурт Дунне
By Удмурт Дунне Май 24, 2017 15:38
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment

Your e-mail address will not be published.
Required fields are marked*