Александр Бречалов ужбергатӥсьёсын пумиськылӥз

Удмурт Дунне
By Удмурт Дунне Май 24, 2017 17:37

 

«Деловая Россия» ассоциация республикаямы усьтӥськиз 5 ар талэсь азьло. Туннэ отчы 50 предпринимательёс пыремын.

Александр Бречалов пумиськылӥз Удмуртиысь Вуз каронъя но промышленностья палатысь, Ужбергатонъя общественной огазеяськонъёслэн лигаысьтызы,   «Деловая Россия» огазеяськонлэн азьветлӥсьёсынызы. 

Кенешонэ люкаськемъёс эскеризы ужбергатон удысысь куд-ог шуг-секытъёсты:  онлайн-кассаосы выжон, кадръёс дасян, машинаослы техосмотр ортчытон, транспортлы вытъёс но мукет. А. Бречалов пусйиз: лэчыт ужпумъёсты капчиен сэрттыны-пертчыны луоз, чиновникъёс но ужбергатӥсьёс валче кужымен тыршизы ке. Городъёслэн но ёросъёслэн йыръёссы ужбергатӥсьёслы, коньдон курыса, медаз вазиськылэ вылэм. Бадӟым ужъёсты быдэстон понна асьсэос рос-просгес но шаплыгес ужаны мед тыршозы.

Александр Владимирович ивортӥз, шаерамы комитет кылдытэмын луоз шуыса. Со выроз Удмуртия кунлык басьтэм дырысен 100 ар тырмонлы дасяськонэн. Бречалов та ужрадэ пыриськыны ӧтиз ужбергатӥсьёсты но.

«Деловая Россия» ассоциация республикаямы усьтӥськиз 5 ар талэсь азьло. Туннэ отчы 50 предпринимательёс пыремын. Соослэн предприятиосазы 2 но ӝыны сюрс адямиос тыршо. Соос кылем арын шаермылэсь кисызэ 2 но ӝыны миллиард манетлы узырмытӥзы. Пумиськонын ужбергатӥсьёс ӵектӥзы, кылсярысь, проектъёсъя офисъёс усьтыны, музъем сётонэз, сое уже кутонэз сакгес чакланы, ЖКХ удысын проектъёсты улонэ пыӵатыны, шоркармылэсь инфраструктуразэ ӟечомытыны.

Ольга Корепанова

Туспуктӥз Э. Карипов

Удмурт Дунне
By Удмурт Дунне Май 24, 2017 17:37
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment

Your e-mail address will not be published.
Required fields are marked*