12-тӥ мае Удмуртиысь ваньмаз ёросъёсын писпу мерттон ортчиз

Удмурт Дунне
By Удмурт Дунне Май 17, 2017 11:04

12-тӥ мае Удмуртиысь ваньмаз ёросъёсын писпу мерттон ортчиз

Кылсярысь, Ува ёросысь депутатъёс, нюлэс хозяйствоысь ужасьёсын валче каргуртысь Южный микрорайонын сад мерттӥзы. Сое кылдытыны 3 ар талэсь азьло малпамын вал ини. Писпуосты мерттӥзы нимысьтыз амалъя: шораз — тыпы, со бордысь 24 сиос выллем будозы яблокпуос, шупуос, кызъёс, пужымъёс, беризьёс. Та арама асьме шаерысь улонэз возьматэ, пе. Угось Удмуртиын пӧртэм выжыысь калыкъёс куспазы тупаса но ог-огзэс гажаса уло.

Озьы ик уваос Кыйлуд но Мульшур гуртъёс вискы 4 гектар вылэ кыз мерттӥзы.

Нюлэскы дэмен потӥзы Дэри ёросысь нюлэс хозяйствоысь ужасьёс Ижысь гурт удысъя академиысь студентъёсын  валче. Соос 1,4 гектар вылэ кыз мерттӥзы. Сарапулысь нюлэскасьёс ёрос школаосын экологилы сӥзем урокъёс ортчытӥзы. Соос нылпиослы валэктӥзы,  кыӵе кышкытлык вае адями тэльлы, куасьмем турын-куарез сутыса, жагдыса.

Ангелина Снигирёва

Удмурт Дунне
By Удмурт Дунне Май 17, 2017 11:04