1-тӥ Май демонстарцие потӥз 48 сюрс адями

Удмурт Дунне
By Удмурт Дунне Май 2, 2017 10:28

Кылем арен ӵошатыса, со 2 сюрслы тросгес. Со сярысь ивортэ Удмуртиысь профсоюзъёслэн огазеяськонзы.

Иворчиос, асьсэ редакциенызы сяна, калыкез тодматӥзы ужен герӟаськем удмурт визькылъёсын.

Шаерысьтымы предприятиосын, министерствоосын ужасьёсын ӵош Пушкинской урам кузя вамыштӥзы «Удмурт дунне» газетын ужасьёс но. Тросэз потӥзы семьяосынызы ӵош. Иворчиос, асьсэ редакциенызы сяна, калыкез тодматӥзы ужен герӟаськем удмурт визькылъёсын. Соос киосазы нуизы «Ужамъя ужам потэ», «Ужлы сӥ-бур», «Уж адямиез чебер каре» визькылъёсын пулъёс.

Демонстрациез валтӥзы элькун кивалтӥсьёс. Удмуртилэн Тӧроезлэсь ужзэ быдэсъясь Александр Бречалов вамышъяз мотозаводын ужасьёсын ӵош.

— Удмуртиын та мынам нырысетӥ бадӟым празднике, — шуиз Александр Бречалов. — Вакчи дыр куспын мон трос тодӥ элькун но татын улӥсьёс сярысь. Макем кужмо татын производство, макем ужась калык. Демонстрациысь ӧтёнъёс возьмато ужась калыклэсь зэмос сюлмаськонъёссэ. Соосты элькун кивалтэт сэрттыны-пертчыны кулэ.

Демонстрация 2 час но 10 минут кыстӥськиз. Со куспын калык тодматскиз Ижысь предприятиосын, министерствоосын.

УД

Туспуктӥз Валентина Емельянова

Удмурт Дунне
By Удмурт Дунне Май 2, 2017 10:28