«Удмурт дунне» газетлэн редакцияз ужалоз пенсиосъя пӧсь телефон

Удмурт Дунне
By Удмурт Дунне Апрель 6, 2017 15:00

Гажано лыдӟисьёсмы, асьмелэн котькудмылэн вань, дыр, пенсиосын-пособиосын герӟаськем сюлмаськытӥсь юанъёсмы.

Туала законодательство, льготаос, индексациос, ужбергатон, анай капитал валантэмез трос.

Соин сэрен «Удмурт дунне» чакла радъяны «пӧсь телефон». Юанъёстэс гожтыса яке жингыртыса сётыны быгатоды редакцие 17-тӥ оштолэзёзь. Нош 18-тӥ оштолэзе 10 часын дорамы вуоз Татьяна Кудрявцева — Пенсиосъя фондлэн Удмуртиысь ёзысьтыз калыклэн вазиськонъёсызъя отделэн кивалтӥсь. Час ӵоже Татьяна Геннадьевна удмурт кылын валэктоз юанъёстылы. Жингыртэ 10-сен 11 часозь 73-33-42 телефонъя.

Юанъёстэс озьы ик возьмаськом:

udmdunne@yandex.ru электрон почтаямы, яке ыстэ конвертэн.

УД

Суредэз лэсьтӥз Вера Штыкова

Удмурт Дунне
By Удмурт Дунне Апрель 6, 2017 15:00