Шаерамы ужало 853 ужбергатӥсьёс но 400 эштосъёс

Удмурт Дунне
By Удмурт Дунне Апрель 18, 2017 11:30

Удмуртстатлэн кивалтӥсез Евгений Данилов гурт удысын ортчем лыдъян-чотанлы куд-ог йылпумъянъёс лэсьтӥз.

Кылем арын 1-тӥ июльысен 15-тӥ августозь быдэс Россиын гурт удысын лыдъян-чотан ортчиз. Отчы пыриськизы 92 инструкторъёс но 553 лыдъясьёс. Талэсь азьвылэз гурт удысын лыдъян-чотан бере 10 ар ортчиз вал ини. Кӧня пудо вордӥськомы, кӧня музъем гыриське но кизиське, кӧня гурт хозяйствоос но ужбергатӥсьёс ужало — ваньмыз со азьланяз юрттыны кулэ экономикамес азинтыны. Лыдпусъёсысь адӟиське, мар карыны кулэ на эшшо тросгес бакча емыш будэтон, сиён-юон поттон вылысь.

Та вакытлы Удмуртстат нырысетӥ лыдпусъёсты шараяз. Тодмо луиз, шаерамы 400 эштосъёс пусъемын, нош  10 ар талэсь азьло соос 1 сюрс лыдъяськиллям. Фермер хозяйствоослэн лыдзы но чутрак кулэсмемын: 2006-тӥ арын 2 сюрс 46 вылэм, али 61 гинэ. Приволжск федерал округысь мукет улосъёсын ӵошатоно ке, гурт хозяйствооссы трос Башкириын но Татарстанын, быдэн 1 сюрслэсь трос. Со понна Удмуртиын йылэмын гурт удысэн герӟаськем нимаз ужбергатӥсьёслэн лыдзы: 286 вылэм, али 853 луэмын.

Валентина Емельянова

Удмурт Дунне
By Удмурт Дунне Апрель 18, 2017 11:30