Кызьы гожтӥмы удмурт но ӟуч диктантъёсты

Удмурт Дунне
By Удмурт Дунне Апрель 12, 2017 14:42

— Удмурт диктантэз гожтон — со бадӟым уж, — мылкыдзэ вераз В. Туганаев. — Та выллем ужрадъёс вань бере, озьыен, удмурт кыл уз вуны, удмурт калык азьлане вамыштэ.

8-тӥ оштолэзе шаерамы гожтӥзы бадӟым диктант — ӟучсэ но удмуртсэ.

Пичи удмурт

— Удмурт дикаатнт гожтыны мынӥськод-а? — юасько эшелэсь.

— Ку но кытын, бон, луоз? — пумитам юан сётэ.

— Ӵуказе Удмурт кун университетын, — шуисько.

Удмурт диктант сярысь реклама туэ трос ӧй вал, уноез калык со сярысь тодытэк но кылиз. «Мынам Удмуртие» радиоез кылзӥсьёс, «Удмурт дунне»  газетэз лыдӟисьёс гинэ, шат, валаса вуттӥзы. Удмурт диктант гожтыны люкаськиз 34 адями, ог куиньмосэз соос пӧлысь редакциысьтымы ужасьёс, мукетъёсыз — студентъёс но… песянайёс.

Аудиторие пыре сяськаё кышетэн арлыдо  удмурт кышномурт. Тодматскиськом. Евгения Ивановна Ковырзина мон, Кизнер ёросын вордскемын,  но егитысен Ижын улӥсько, пе.

— Диктантэ лыктӥды бере, дышетӥсьын ужамын, дыр?

— Ӧвӧл, заводын.

— Э, нош ми тӥлесьтыд списатьтом шуиськом вал…

— Ма, пожалуйста — мон школаын вань диктантъёсме «витьлы» гожъялляй.

Аудиторие пыре сяськаё кышетэн арлыдо удмурт кышномурт. Тодматскиськом. Евгения Ивановна Ковырзина мон, Кизнер ёросын вордскемын, но егитысен Ижын улӥсько, пе.

Текстэз туэ гожтӥз биология наукаосъя доктор Виктор Туганаев. Нырысь текстсэ со инкуазьлы сӥзьыны малпа вылэм, но удмурт инты, будос, пӧйшур нимъёс секыт гожтӥсько шуыса, та малпанэзлэсь куштӥськем. Юнме, уго студентъёс, журналистъёс талы дась вал. Озьы Виктор Васильевич  дасям  удмурт сям-йылолъёсты возьматӥсь текст, отын со маде  аслаз пичи дырысьтыз  тунсыко учырез.

— Удмурт диктантэз гожтон — со бадӟым уж, — мылкыдзэ вераз В. Туганаев. — Та выллем ужрадъёс вань бере, озьыен, удмурт кыл уз вуны, удмурт калык азьлане вамыштэ.

15 часын нуназе ёросъёсысь калык диктант гожтӥз, «Мынам Удмуртие» радиоез кылзыса.  Кылем аръёсы кадь ик, тросаз  гуртъёсын адямиос дэмен люкаськылӥзы школаосы но библиотекаосы.

Текстъёсты эскерыны кутскозы 17-тӥ оштолэзе, 3-тӥ куартолэзе тодмо луозы ни баллъёсмы. Вань йылпумъянъёс но диктантлэн текстэз «Удмурт дуннелэн» вотэсбамаз интыямын луозы.

Бадӟым ӟуч…

Ӟуч диктант гожтӥзы  быдэс дуннеысь … интыын. Отчы пыриськиз … адями!  Удмуртиын ӟуч кылэз тодэмзэ эскериз  2 сюрс 286 адями. Таизъя  нырысетӥ йылпумъянъёс тодмо ни.

Песянайёс «5» уг возьмало, угось школа дырысен диктант ӧвӧл гожъяллям ни, вылаз ик, киоссы уг вутско, чылкак тодматэм кылъёс пумисько.

Ӟуч текстъёсты — туэ соос 3 пумо вал —  гожтӥз писатель Леонид Юзефович.  Удмуртиын гожтӥзы Улан-Удэ сярысьсэ. Адямиос ӟуч диктантлы пыр-поч дасяськизы: та авторлэсь книгаоссэ библиотекаосысь шузимыса октылӥзы,  нимысьтыз занятиосы ветлылӥзы, Интернет пыр онлайн-диктантъёс гожъязы.

Оскон ласянь визьноданъя (духовно-нравственной воспитаниея) элькун колледжын диктант гожтӥзы  ляб адӟись но сукыр муртъёс, соос текстэз Брайль шрифтэн гожтӥзы. Колледже лыктӥзы Брангуртысь песянайёс но.  Пырак соосын артэ пуксьыны  инты ӧз тырмы. Тунсыко, кин  лыктэм  — трос егит пиос,  семьяос.   Пуксим, ручкамес кырмыса, ӝегатскытэк гожъяны дасяським ни. Но дышетӥсьмы Ольга Баранкина милемлы нырысь  гань-гань  радлыксэ валэктӥз, собере правилоосты тодэ вайытӥз, шуг кылъёсты  экран вылэ поттӥз.  Нош   Интернет пыр  маскара ролик возьматэмез бере «экзаменэ» лыктэммес воксё вунэтӥм,  мылкыд соку ик капчи луиз. Диктант но, зэмзэ вераса, удмуртэзлэсь капчигес потӥз — сояз трос  тиреос-запятойёс пумысен  валантэм интыосыз. Но оскиськом, созэ но, тазэ но урод ӧм гожтэ.

Песянайёс «5» уг возьмало, угось  школа дырысен диктант ӧвӧл гожъяллям ни, вылаз  ик, киоссы уг вутско, чылкак тодматэм кылъёс пумисько. Но брангуртъёс пичи но уг кайгыро,  асьмедыз тазьы эскерыны туж кельшиз, шуо. Малы меда, пе, удмуртаз ӧз ӧте, сояз но мынысалмы.

Эскерем ужъёсты басьтыны луоз  Ижысь Некрасов нимо библиотекаысь 17-тӥ оштолэзьысен, но али ик тодмо ни — одӥг но янгыш лэсьтымтэ 43 адями! Кылем арын 2 мурт гинэ  «5»-лы гожтӥз вал.

Таослэсь адӟем карыса, милемлы но вуоно арын бадӟым удмурт диктанэз паськыт ортчытоно, отчы студентъёсты гинэ ӧвӧл, котькуд удмурт гуртысь  калыкез кысконо, уго та ужрад кылэз гажан мылкыд эшшо но золгес пыӵатэ.

Мария Иванова

Туспуктӥз А. Горбунов

Бадӟым удмурт диктантлы йылпумъянъёс лэсьтэмын

Удмурт Дунне
By Удмурт Дунне Апрель 12, 2017 14:42