Кыӵе ужрадъёс чакла радъяны егитъёслэн «Шунды» огазеяськонзы?

Удмурт Дунне
By Удмурт Дунне Апрель 26, 2017 13:30

Егитъёслэн «Шунды» огазеяськонзы ар ӵоже трос пӧртэм ужрадъёс ортчытъя. Сётӥськом соос пӧлысь тужгес бадӟымъёссэ.

Ижкар 

Оштолэзьысен толсурозь — визез сынанъя «Шудком» шудон.

Куартолэзе — «Чингыли» дискез поттон. Отчы пыризы удмурт выжыкылъёс, кылбуръёс, мадиськонъёс, озьы ик покчиосты удмурт кыллы дышетонъя пӧртэм визь-кенешъёс.

Гудырикошконэ «Тулкым» но «Шундыкар» лагерьёс.

Куарусёнэ — «Куарагур» концерт. Проект огазея крезьгурчиосты, кылбурчиосты, кырӟасьёсты.  Та проект улсын гожтэм кырӟанъёс сцена вылын нырысьсэ чузъясько.

Шуркынмонэ — «Вуюись» семинар. Татчы люкасько «Шунды» огазеяськонлэн ёзъёсызлэн кивалтӥсьёссы, калыкен ужаны дышетско.

Шаркан

Пӧсьтолэзе — быдэ вуонлы сӥзем «Эру» шулдыръяськон. Егитъёс ву ваё, пу пильыло — возьмато, соос улонлы дась ини шуыса.

Можга 

Инвожое — «Шундэктон» позыръяськон. Герберын радъяськоз егитъёслы шулдыръяськон инты.

Башкирия 

Гудырикошконэ — «Усточикар» лагерь. Татын шутэтско, тодон-валан басьто Башкириысь но мукет улосвылъёсысь удмурт пиналъёс.

Коми 

Толсуре — фин-угор егитъёслэн Furor форумзы.

Кызьы сюрыны сояз яке мукетаз ужрадэ? «Шунды» огазеяськонэн герӟаськыны луоз 8-951-218-35-33 телефон номеръя. Тӧроез — Алина Чернова.

 

Удмурт Дунне
By Удмурт Дунне Апрель 26, 2017 13:30