Ижысь «Шудон» ансамбль калыккуспо конкурсын вормиз

Удмурт Дунне
By Удмурт Дунне 26 апреля, 2017 16:14
Warning: A non-numeric value encountered in /home/users/u/udmdunne/domains/udmdunne.ru/wp-content/themes/allegro-theme/functions/other.php on line 93

Ижысь искусствоосъя элькун школаысь «Шудон» фольклорной ансамбль пыриськиз Саранскын ортчем «Предания старины» калыккуспо фестивале. Отысь со кык полэс вормонэн бертӥз.

Ас ёзъёссы пӧлын «Шудон» ансамбль, озьы ик солэн кивалтӥсез Юлия Павлова нырысетӥ инты басьтӥзы.

 

— Табыдӟа калыккуспо конкурсэ ми нырысьсэ пыриським, — вера ансамбльлэн кивалтӥсез Юлия Павлова. — Конкурс ӵукнаысен бер ӝытозь кыстӥськиз. 6 минут куспын ми 3 номер возьматӥм: Карамас-Пельгалась гожтэм дэра гужатонэз, Татарстанысь Балтач ёросысь «Апай сямен» эктонэз, пумаз тапыртӥм на.

Конкурсэ пыриськемъёс арлыдъя пӧртэм группаослы люкемын вал. 25-лэсь бадӟымгес вожвылъяськисьёс пӧлы пыриськиз ачиз Юлия Павлова. Пичи Пурга ёросын гожтэм рекрут но Дэри ёросысь серемес кырӟанъёсты быдэстыса, со нырысетӥ инты басьтӥз. Пиналъёс но, Юлия Павлова но паймиллям, макем зол Саранскын утиське фольклор, азинтӥське калык культура. Шӧдӥське, огшоры калык но со борды зол кыстӥське шуыса.

— Ми отысь кизилиос луыса бертӥм, — веранзэ азьланьтэ Юлия. — Огез дунъясь шуиз: таӵе зол коллективез мынам адӟылэме ӧй вал на. Жаляса верано, асьмелэн табыдӟа уровенен  фестивальёсмы ӧвӧл.

Мария Векшина

Туспуктӥз Юлия Павлова

Удмурт Дунне
By Удмурт Дунне 26 апреля, 2017 16:14
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<