Асьтэлэсь уждэс усьтыны юрттозы

Удмурт Дунне
By Удмурт Дунне Апрель 18, 2017 13:40

Нырысь ик лыдэ басьтӥськозы растениеводствоен но кролик вордонэн герӟаськем бизнес-планъёс.

Удмуртиысь Ужъя но миграция политикая министерство уже интыянъя службаен валче «Ужа!» проект ялӥзы.

Уж утчась адямиос со улсын быгатозы асьсэ ужзэс усьтыны. Ужбергатон удысэ вамыш лэсьтыны мылкыд карисьёслы коньдонэн юрттӥськыны дась министерство но — одӥг пол сётӥськись юрттэтлэн быдӟалаез ог 67 сюрс 620 манет. Сое басьтон понна йӧн-йӧн бизнес-план дасяно.  Сое гожтыны юрттозы уже интыянъя службаосын. Нырысь ик лыдэ басьтӥськозы растениеводствоен но кролик вордонэн герӟаськем бизнес-планъёс.

Шаерысьтымы уже интыянъя службаос «Ужа!» проект чотын гожтэм бизнес-планъёсты эскерозы 14-тӥ — 19-тӥ апреле. Проектэ пыриськыны мылкыд карисьёслы ёросъёсысь калыкез уже интыянъя центръёсы вазиськоно.

Ангелина Снигирёва

Туспуктӥз А. Горбунов

Удмурт Дунне
By Удмурт Дунне Апрель 18, 2017 13:40