28-тӥ куартолэзе «Огъя Россия» партия ортчытоз праймериз

Удмурт Дунне
By Удмурт Дунне Апрель 18, 2017 13:10

Владимир Невоструев тодэ вайытӥз: «Огъя Россия» партилэн праймеризаз пыриськыны быгатэ котькуд мылкыд карись, со мукет партилэн ёзчиез гинэ медаз луы.

 Удмуртиысь Кун Кенеше быръёнъёс азьын, 28-тӥ мае, «Огъя Россия» партия ортчытэ праймериз. Отчы пыриськыны мылкыд кариз ни  211 адями.

— Кандидатъёс пӧлын трос гинэ республикамылэн ӵуказе нуналыз понна зэмзэ но сюлмаськись адямиос, — пусйиз «Огъя Россия» партилэн Удмуртиысь ёзэзлэн секретарез Владимир Невоструев. — Соос дебатъёсы пыриськыны дась, партилэн программаяз дэмланъёссэс пыртон сярысь сюлмасько.  Куд-ог дэмланъёс туж ӟечесь. Кылсярысь, гурт удысэз азинтонъя, йӧл поттонэз будэтонъя, тазалыкез утёнъя.

Владимир Невоструев тодэ вайытӥз: «Огъя Россия» партилэн праймеризаз пыриськыны быгатэ котькуд мылкыд карись, со мукет партилэн ёзчиез гинэ медаз луы.  «Огъя Россилэн» праймеризаз пыриськыны уг быгато мукет кунъёслэн гражданъёссы, Россилэн гражданствозы но вань ке но. Вожвылъяськонэ пыриськись мурт 21 ареслэсь  бадӟымгес луыны кулэ.

Вуоно арняысен кандидатъёс калыкен пумиськылыны кутскозы, пусйиз «Огъя Россия» партилэн шаерысьтымы ёзэзлэн исполкоменыз кивалтӥсь Андрей Макаров.

Праймеризэ пыриськыны мылкыд карисьёс куриськонъёссэс 27-тӥ апрелёзь сётыны  быгато на.

Елена Панфилова

 

Удмурт Дунне
By Удмурт Дунне Апрель 18, 2017 13:10