Ӵуказе Алнашын Ашальчи Оки нимо премиез сётозы

Удмурт Дунне
By Удмурт Дунне Апрель 3, 2017 16:55

Ӵуказе Алнашын Ашальчи Оки нимо премиез сётозы

Данъян муртъёсты бырйизы 9 азьветлӥсь нылкышноос пӧлысь.

— Арысь аре премилэн данэз будэ. Кылем арын дунъясьёс доры 6 нылкышноослэн портфолиоссы вуизы ке, туэ 9-эзлэн, — вера «Удмурт Кенеш» огазеяськонысь ужась Елена Александрова — Премиез сётыкумы, ми зол чакласьком общественной уже пыриськемез — удмуртлык понна адями вань сюлэмзэ поныса ужа, нош дун со понна уг басьты.

Озьыен, коньдон кузьым басьтон понна асьсэ портфолиоссэс лэзизы Ижысь библиотекарь Ольга Слесарева, журналист, кылбурчи Адия Диева, Вавож ёросысь ӟуч кылъя но литературая дышетӥсь Нина Ефремова, Искусствоосъя нылпи элькун школаысь «Шудон» коллективлэн кивалтӥсез Юлия Павлова, Алнашысь шаерчи, писатель Любовь Ганькова, Якшур-Бӧдья ёросысь шаерчи Валентина Иванова, Сьӧлта ёросысь удмурт кылъя но литературая дышетӥсь Светлана Хлебова, Можга ёросысь удмурт кылъя но литературая дышетӥсь Римма Рылова, «Удмурт Кенеш» огазеяськонлэн Дэри ёросысь ёзэныз кивалтӥсь Лидия Биянова.

Нырысьсэ Ашальчи Оки нимо премия сётэмын вал 1994-тӥ арын, со дырысен азьветлӥсь нылкышноос арысь аре коньдон кузьымен пусйисько.

УД

 

Удмурт Дунне
By Удмурт Дунне Апрель 3, 2017 16:55