Удмуртиысь писательёс ар ӵоже ужамезлы йылпумъянъёс лэсьтӥзы

Удмурт Дунне
By Удмурт Дунне Март 23, 2017 16:53

Пётр Захаров: Совето вакытъёсын ӵошатыса, улон туж зол воштӥськиз. Туала вакытэ азьвыл сямен ужаны уг луы ни, выль амалъёсты утчано.

Нимысьтыз докладэн вераськиз шаерысьтымы писательёслэн огазеяськонэнызы кивалтӥсь Пётр Захаров.

Туннэ нуналлы Удмуртиысь писательёслэн огазеяськоназы пыре 121 адями. Пӧлазы — совето вакытысь нимо-дано писательёс но 1990-тӥ аръёсы литературае вамыштэмъёс но. Ваньзы туж пӧртэмсеь, котькудӥзлэн аслаз лыдӟисез. Но азязы сылӥсь ужпумъёс уноезлэн огвыллемесь: выль книгаос поттон, лыдӟись доры вуттон. Но туала вакытэ, жаляса верано, оглом литература шуге-леке шедемын. Мар луоз азьланяз? Висъяськоз-а коньдон книга поттонлы? Кин утёз улонысь кошкись писательёслэсь архивъёссэс, библиотекаоссэс? Та но мукет юанъёслы валэктонъёс сётӥз Печатья но иворъёсты вӧлмытонъя агентстволэн кивалтӥсез Алексей Воронцов. Солэн пусъемезъя, Ижысь Пастухов ульчаысь 13 номеро юртын азьланяз луоз шаерысьтымы печатьлэн музеез. Отын ик луоз писательёсмылэн книгаоосылы сӥзем сэрег, книга вузанъя лавка но трос мукетыз.

Писательёслэн огазеяськонзылэн кивалтӥсез Пётр Захаров пусйиз:

— Совето вакытъёсын ӵошатыса, улон туж зол воштӥськиз. Туала вакытэ азьвыл сямен ужаны уг луы ни, выль амалъёсты утчано.

Писательёслы со вазиськиз, пӧртэм ужрадъёсы мыло-кыдогес пыриськыны курыса. Паськытгес кутоно интернет вотэсъёслэсь луонлыкъёссэ. Писатель огшоры дасьсэ гинэ возьмаса медаз пукы, ачиз но ужрадъёсы мед пыриськоз, калык доры потаны мед тыршоз.

Ужрад сярысь пыр-почгес лыдӟыны луоз «Удмурт дунне» газетлэн 30 мартэ потоно номерысьтыз.

Елена Миннигараева

Туспуктэм: Удмуртиысь писательёслэн огазеяськонзы

Удмурт Дунне
By Удмурт Дунне Март 23, 2017 16:53