Тужгес лыдӟымон материалъёс

Удмурт Дунне
By Удмурт Дунне Март 22, 2017 11:34

Кыӵе материалъёсты тужгес но трос адями лыдӟиз? Лэсьтӥськом кылем арня понна йылпумъянъёс.

Калык яратэ конкурсъёсты. «Удмурт дунне» газет экологилэн арезлы сӥзьыса «Ожо-вожо» конкурс ялэ. Отчы 12-16 аресъем нылпиос кылбур, верос, я проект гожтыса лэзьыны быгато.

Туж лыдӟымон луо удмуртлыкен герӟаськем материалъёс. Тӧр шорын — удмурт движениысь одӥгез синмаськымон кышномурт, К. Герд нимо гимназиысь дышетӥсь, пӧртэм удмурт но фин-угор проектъёслэн авторзы, трос нылпиё анай Наталья Дмитриева.  Макем яркыт но чебер солэн улонэз!

Асьсэ проектъёсынызы удмурт дуннеез узырмытӥзы ни К. Герд нимо премилэн лауреатъёсыз. Со Татьяна Москвина — удмурт калык дӥсьлы сӥзем «Дэрем» студилэн кивалтӥсез, шаерысьтымы тодмо реставратор но Василий Москвин — «Удмурт Кенеш» огазеяськонлэн Пичи Пурга ёросысь ёзэзлэн кивалтӥсез, Пичи Пурга ёросысь Депутатъёслэн Кенешсылэн тӧроез. Вячеслав Кудрявцев — композитор, Можга ёросысь удмурт эстрадая «Марӟан» коллективез кылдытӥсь, солэн хормейстерез. Арво Валтон — Эстониысь писатель, Фин-угор писательёслэн калыккуспо ассоциацизылэн азьвыл кивалтӥсез.

Вань меда пиосмурт но нылкышно гожъяськисьёс куспын пӧртэмлык. Та пумысен вераськон трос лыдӟиськисьёсмылэсь сюлэмзэс вырӟытӥз, луоз. Со сяна, воргоронъёс верало на, малы удмурт нылкышнолы мерлыко уж?

УД

Удмурт Дунне
By Удмурт Дунне Март 22, 2017 11:34