Тросгес лыдӟиськиськом

Якшур-Бӧдья ёросысь Ӟеглудысь библиотекарь О. Тарасова

Кылем арын шаерамы улӥсьёс 6 миллионлэсь трос пол библиотекае ветлӥзы, сайтъёсазы пыразы.

— 2015-тӥ арен ӵошатыса, со 390 сюрслы уногес, — шуэ лулчеберетъя но туризмъя министр Владимир Соловьёв.

Лыдпуслэсь будэмзэ со тазьы валэктэ: газет-журналъёсты но книгаосты шедьтон понна али библиотекае одно ветлоно ӧвӧл, соосты лыдӟиськон юртлэн вотэс бамысьтыз но лыдӟыны луэ.

Туннэ нуналлы элькунамы 541 библиотекаос ужало. Соос пӧлысь 330-аз, культурая но туризмъя министр В. Соловьёв ивортэмъя, Интернет вань. «Вотэсэ пырон» уж азьланьтӥське, со быдэстӥське федерал субсидия чотын.

Елена Рябина