Кылбуретлэн нуналаз — кылбур лыдӟонъёс

Удмурт Дунне
By Удмурт Дунне Март 21, 2017 14:52

21-тӥ южтолэзе быдэс дуннеын пусъё кылбуретлэсь нуналзэ. Соин сэрен туннэ Ижысь Генерал юртын ортчоз кылбурлы сӥзем ӝыт.

15.00 часысен чузъяськозы Ижысь кылбурчиослэн чуръёссы. Котькуд кылбурез дунъялозы литературоведъёс но критикъёс. Озьыен, соос вань мылкыд карисьёслы асьсэлэсь дэмланъёссэс сётъялозы. Вераны кулэ: тужгес усто кылбуръёс сюрозы «Удмуртиысь туала кылбурет» альманахе.

Кылбур лыдӟонъёсты меӵак эфирын вотэс пыр но учкыны луоз, берло но —  видеокылбуръёс поттэмын луозы «Инвожо» журналлэн, Удмуртиысь Писательёслэн союззылэн, Печатья но ивор вӧлмытонъя агентстволэн вотэс бамъёсазы.

Удмуртиысь Писательёслэн огазеяськонзы таин сюрес сётэ литературалы сӥзем мукет ужрадъёсызлы но. Кылсярысь, 24-тӥ южтолэзе Печатья но ивор вӧлмытонъя агентстволэн конференц-залаз ортчоз котырес ӝӧк, отын  вераськозы Удмуртиысь туала ӟуч литература сярысь.

УД

 

Удмурт Дунне
By Удмурт Дунне Март 21, 2017 14:52