Кудзэ гожтӥз нылкышно, кудзэ — пиосмурт?

Удмурт Дунне
By Удмурт Дунне Март 21, 2017 09:28

Кудзэ гожтӥз нылкышно, кудзэ — пиосмурт?

Тодмалэ, кудзэ чуръёсты гожтӥзы нылкышноос, кудзэ — пиосмуртъёс. Вормисьлы кузьым — кылбур бичет.

* * *

Уно муртъёс пӧлысь    висъяй сое,

Малпай: тани мынам  шудэ,

Юнме-а мылкыды шурдэ?

Шедьтӥ сое, шедьтӥ сое!

Но сюлэмы тэрсак каре,

Со — четлыке шедем   маке —

Уг буйга, куриське на эрике.

Эн лопыръя ни, шузимем,

Яратонэн љикатэмлэсь кышкад, оло?

Серем.

Шедьтӥ сое, шедьтӥ сое!

ќй янгыша меда?

Ой, сюлэмы,

Эн лопыръя, эн лопыръя.

 

* * *

…кин ке кинэн ке вераськоз ӟардытозь,

 кин ке кинэн ке керетоз бӧрдытозь,

кин ке кинэн ке люкиськоз огтулыс,

кин ке кинэ ке малпалоз уйёсы.

но ноку но, гажанэ,

со кин ке уд луы — тон,

со кин ке уг луы — мон,

ми ум луэ — кинъёс ке.

 

* * *

…Огмы но: тон но, мон но —

Ӧвӧл тынад-мынам.

Мынам — ачим гинэ мон:

Лулы-сюлмы, визьмы,

Шудэ но, бӧрдонэ но,

Сямы, тусы-буйы…

Тынад — ачид гинэ тон:

Кужмо но укыр ляб.

Монэ яратонэд но —

Тынад гинэ, аслад.

 

* * *

Пумиськи но мон тонэн —

Шоканэ ик пытсаськиз,

Чалмытскиз вераськонэ,

Суй-пыды но жильдӥськиз.

 

Шат зэмзэ но адями

Кылдытӥз меда тонэ?

Выжыкыл-а азямы

Воректӥз та улонэ?..

 

* * *

Пумиськеммы бере ик   мон шуи:

— Шунды пуксён азьын ик  люкиськом.

Нош гажанэ

Киме весь маялляз мусо.

Кызьы кошкод?!

 

Выль нуналлэн паськыт чагыр ӧсаз

Шунды сиос ни йыгасько.

Нош гажанэ

Юн ӟыгыртӥз монэ.

Кызьы кошкод?!

Кызьы гожъяло яратон сярысь удмурт писательёс

 

Удмурт Дунне
By Удмурт Дунне Март 21, 2017 09:28