Ижын ӟуч кылбурет сярысь вераськозы

Удмурт Дунне
By Удмурт Дунне Март 23, 2017 14:38

Ижын ӟуч кылбурет сярысь вераськозы

Ӵуказе, 24-тӥ южтолэзе, 11.00 часын ортчозы Печатья но ивор вӧлмытонъя агентстволэн конференц-залаз ортчоз котырес ӝӧк. Сое нуозы ӟуч писательёс Виталий Кальпиди но Мария Волкова.

Та котырес ӝӧк орчытӥське «Ӟуч кылбуретлэн кылыз» проект улсын. Соя Виталий Кальпиди но Мария Волкова ветло Россиысь пӧртэм каръёсы но ӟуч литература пумысен вераськон ӝуто. Кин со сыӵе туала лыдӟись, кыӵе тусыз туала авторлэн, кыӵе сюрестӥ вамыштэ берло дыре ӟуч литература? Вераськонэ пыриськозы Удмуртиысь писательёс, литературоведъёс, тодосчиос. Соос асьме ӟуч литературамы пумысен мылкыдзэс шараялозы.

Вераны кулэ, «Ӟуч кылбуретлэн кылыз» проект улсын котырес ӝӧкъёс гинэ уг ортчо. Кылем арын, кылсярысь, поттэмын вал кылбур бичет. Отысь туала ӟуч кылбуретлэсь туссэ адӟыны луэ.

УД

Туспуктэм: vk.com/invozho

Удмурт Дунне
By Удмурт Дунне Март 23, 2017 14:38